Abhishek Sharma: నిప్పుతో ఆటలొద్దురోయ్.. అక్కడ ఉంది యువరాజ్ శిష్యుడు

నిన్న లక్నో సూపర్ జెయింట్స్, సన్‌రైజర్స్ హైదరాబాద్ మధ్య హోరాహోరీ మ్యాచ్ జరిగింది. ఈ మ్యాచ్‌లో పాట్ కమ్మిన్స్ నాయకత్వంలోని SRH 6 వికెట్ల తేడాతో విజయం సాధించి, లక్నోని ప్లేఆప్స్ నుంచి బయటకు వెళ్లగొట్టింది. అయితే ఈ మ్యాచ్ లో లక్నో బౌలర్ కాస్త అతి చేశాడు. ఏకంగా యువరాజ్ సింగ్ శిష్యుడు అభిషేక్ శర్మతోనే పెట్టుకున్నాడు. దిగ్వేష్ రాఠి వేసిన ఎనిమిదో ఓవర్ మూడో బంతిని అభిషేక్ శర్మ కవర్ మీదుగా షాట్ కు ప్రయత్నించాడు.

Also Read:Deepfake: డీప్‌ఫేక్ పో*ర్న్‌పై చట్టం.. బిల్లుపై డోనాల్డ్ ట్రంప్ సంతకం..

అయితే బంతి సరిగ్గా కనెక్ట్ అవ్వకపోవడంతో దాన్ని శార్దూల్ ఠాకూర్ క్యాచ్‌ అందుకున్నాడు. దీంతో దిగ్వేష్ ఏదో సాధించినట్టు షో చేశాడు. స్లెడ్జింగ్ ఉండాలి కానీ ప్రత్యర్థి ఆటగాడిని కించపరిచేలా ఉండకుండదు. అభిషేక్ శర్మ పెవిలియన్ వైపు వెళ్తుండగా.. దిగ్వేశ్ అభిషేక్ ని చూస్తూ.. చల్ దొబ్బెయ్ అంటూ.. నోట్ బుక్ సెలెబ్రేషన్స్ చేసుకున్నాడు. అది అభిషేక్ కి నచ్చలేదు. డ్రెస్సింగ్ రూమ్ వైపు వెళ్తున్న అభిషేక్ ఆగి అగ్రెస్సివ్ గా రియాక్ట్ అయ్యాడు. ఇద్దరి మధ్య కొంతసేపు వాదన నడిచింది.

Also Read:Ponnam Prabhakar : గుల్జార్ హౌజ్ అగ్ని ప్రమాదంపై కమిటీ ఏర్పాటు

దీంతో ఆన్-ఫీల్డ్ అంపైర్లు జోక్యం చేసుకోవడంతో ఇద్దరూ అక్కడినుంచి వెళ్ళిపోయారు. అయితే ఫ్యాన్స్ మాత్రం ఆసక్తిగా స్పందిస్తున్నారు.. యువరాజ్ శిష్యుడితో పెట్టుకుంటున్నావ్.. నిప్పుతో ఆటలొద్దురోయ్ అంటూ దిగ్వేశ్ ని ట్రోల్ చేస్తున్నారు. మరోవైపు మ్యాచ్ అనంతరం బీసీసీఐ వైస్ ఉపాధ్యక్షుడు రాజీవ్ శుక్లా ఇద్దర్ని పిలిచి మాట్లాడాడు. ఇద్దరూ షేక్ హ్యాండ్ ఇచ్చుకోవాల్సిందిగా కోరాడు. దీంతో వివాదానికి ఫుల్ స్టాప్ పడింది.