NTV Effect: ఏలూరు జిల్లా ద్వారకాతిరుమల చిన్న వెంకన్న ఆలయ పరిసరాలలో డ్రోన్ ఎగరవేసిన యూట్యూబర్పై కేసు నమోదైంది. ఇటీవల ఓ యూట్యూబర్ చిన్న వెంకన్న ఆలయ పరిసరాలను డ్రోన్ కెమెరాలో చిత్రీకరించారు. వీడియోలను తన యూట్యూబ్ ఛానల్, సోషల్ మీడియాలో యూట్యూబర్ పోస్ట్ చేశాడు. అవి వైరల్ అవడంతో భక్తులు ఆ యూట్యూబర్పై మండిపడ్డారు. దీనిపై ఎన్టీవీ వరుస కథనాలను ప్రసారం చేసింది. దాంతో ఆలయ అధికారులు స్పందించారు. ఆలయ భద్రతకు విఘాతం కలిగే అవకాశం ఉందని యూట్యూబర్పై ఆలయ ఏఈవో పోలీసులకు ఫిర్యాదు చేశాడు. ఈ నేపథ్యంలో పోలీసులు కేసు నమోదు చేసి దర్యాప్తు చేస్తున్నారు.
Read Also: Wazedu SI: నేడు వాజేడ్ ఎస్ఐ హరీష్ అంత్యక్రియలు
చిన్న వెంకన్న ఆలయ పరిసరాల్లో డ్రోన్లతో షూటింగ్లపై నిషేధం ఉన్నప్పటికీ ఓ యూట్యూబర్ డ్రోన్ ఎగురవేసి షూట్ చేసి విజవల్స్ను సోషల్ మీడియాలో వైరల్ చేశాడు. ఆలయ అభివృద్ధి పనులను కూడా వీడియోలో రికార్డు చేశాడు. నిషేధిత ప్రాంతంలో డ్రోన్ ఎగురవేస్తుంటే అధికారులు, సిబ్బంది ఏం చేస్తున్నారంటూ భక్తులు మండిపడుతున్నారు.
