Mahesh Babu : టాలీవుడ్ సూపర్ స్టార్ మహేష్ బాబు ప్రస్తుతం ఇండియాలోనే బిగ్గె్స్ట్ ప్రాజెక్టుకు రెడీ అవుతున్న సంగతి తెలిసిందే. మామూలుగా దర్శక ధీరుడు రాజమౌళి సంగతి మనకు తెలిసిందే. ఆయన సినిమా తీస్తే కనీసం నాలుగైదు ఏళ్లు సమయం పడుతుంది. సినిమాలో చిన్న లోపం కూడా లేకుండా చూసుకుంటారు ఆయన.. సూపర్ స్టార్ తో సినిమా అంటే ఇంకెన్ని జాగ్రత్తలు తీసుకుంటాడో ప్రత్యేకంగా చెప్పాల్సిన పనిలేదు. దీంతో వీరి కాంబోలో సినిమా చూడాలంటే మాత్రం మరో నాలుగేళ్లు ఆగాల్సిందే. ఎప్పుడు వచ్చినా ఆ సినిమా మాత్రం ఇండియా బిగ్గెస్ట్ బ్లాక్ బస్టర్ కావడం మాత్రం పక్కా. అలాంటి సినిమాలో స్టార్ కాస్ట్ కూడా భారీగానే ఉంటుందనడంతో సందేహం లేదు. పలు భాషలకు చెందిన అనేకమంది బిగ్ స్టార్లు కూడా నటిస్తున్నారు. ఈ సినిమా కోసం మహేష్ బాబు ఫారిన్ వెళ్లి ప్రత్యేకంగా మేకోవర్ అయి వచ్చారు. లాంగ్ హెయిర్ స్టైల్, గెడ్డంతో డిఫరెంట్ లుక్ తో అందరిని ఆకర్షించాడు.
Read Also:RSS Remarks Case: ఆర్ఎస్ఎస్ను తాలిబాన్‌తో పోల్చిన బాలీవుడ్ గీత రచయితకు బిగ్ రిలీఫ్
‘SSMB29’ సినిమాలో మహేష్ బాబు అదే లుక్ లో కనిపిస్తాడని అంతా అనుకున్నారు. ఇప్పటి వరకు మహేష్ బాబు కెరీర్లో లో ఏ సినిమాలో కూడా గెడ్డంతో కనిపించలేదు. కచ్చితంగా ఈ కొత్త లుక్ అందరినీ ఎట్రాక్ట్ చేయడం గ్యారెంటీ అని అనుకున్నారు. వచ్చే ఏడాది ‘SSMB29’ మూవీ షూటింగ్ స్టార్ట్ అవుతుందని అంతా అనుకున్నారు. మొదటిసారి రాజమౌళి హీరో లుక్ ని పబ్లిక్ గా రివీల్ చేసేశారని అంతా భావించారు. అయితే ఇప్పుడు మహేష్ బాబు కొత్త అవతారంలో కనిపించి అందరికి షాక్ ఇచ్చాడు. మొన్నటి వరకు ఉన్న లాంగ్ హెయిర్, గెడ్డం ట్రిమ్ చేసి కొత్త లుక్ లో దర్శనమిచ్చారు. కీరవాణి తనయుడు శ్రీసింహా ఎంగేజ్ మెంట్ వేడుకకి మహేష్ బాబు హాజరయ్యారు. ఆ ఫోటోలు సోషల్ మీడియాలో వైరల్ అవుతున్నాయి. అందులో మహేష్ బాబు న్యూ లుక్ లోనే కనిపించడంతో ఇదేంటి సడెన్ గా ఈ మార్పు అనే ప్రశ్నలు వినిపిస్తున్నాయి. మొన్నటి వరకు లాంగ్ హెయిర్, గెడ్డంతో ఉన్న లుక్ లోనే మహేష్ బాబు అన్ని ఈవెంట్స్ కి అటెండ్ అవుతూ వచ్చాడు. దీంతో ‘SSMB29’ లో మహేష్ బాబు అదే లుక్ తో కనిపిస్తాడని ఫ్యాన్స్ కూడా ఫిక్స్ అయిపోయారు. అయితే సడెన్ గా మహేష్ బాబు లుక్ చేంజ్ చేసేశారు. దీంతో ఇప్పుడు సూపర్ స్టార్ అభిమానులు మరల కన్ఫ్యూజ్ లో పడిపోయారు.
Read Also:IT Rides: హైదరాబాద్‌ లో మరోసారి ఐటీ దాడులు.. ప్రముఖ రియల్ ఎస్టేట్ కంపెనీలో తనిఖీలు