SIT Telugu OTT: నేరుగా ఓటీటీలో రాబోతున్న క్రైమ్ థ్రిల్లర్ మూవీ.. స్ట్రీమింగ్ ఎక్కడంటే?

కొన్ని క్రైమ్ థ్రిల్లర్ మూవీస్ నేరుగా ఓటీటీలో విడుదక అవుతున్నాయి.. ఇప్పటికే ఎన్నో సినిమాలు ఇక్కడ విడుదలయ్యి మంచి రెస్పాన్స్ ను అందుకున్నాయి.. తాజాగా మరో క్రైమ్ థ్రిల్లర్ సస్పెన్స్ మూవీ ఎస్. ఐ. టి. మూవీలోకి వచ్చేస్తుంది.. అరవింద్ కృష్ణ , రజత్ రాఘవ్ హీరోలుగా నటించిన మూవీ ఓటీటీ లోకి వచ్చేందుకు ముహూర్తం ఫిక్స్ చేసుకుంది..

ఈ సినిమా మే 10 న ఓటీటీలోకి రాబోతుంది.. రిలీజ్ డేట్‌ను జీ5 ఓటీటీ అఫీషియల్‌గా అనౌన్స్‌చేసింది. కొత్త పోస్టర్‌ను రిలీజ్ చేసింది. ఈ పోస్టర్‌లో పోలీస్ ఆఫీసర్ గా సీరియల్ ఇంటెన్స్ లుక్‌లో అరవింద్ కృష్ణ కనిపిస్తోన్నాడు.. ఈ పోస్టర్ ప్రస్తుతం సోషల్ మీడియాలో తెగ ట్రెండ్ అవుతుంది. ఇక ఈ సినిమాలో ఇద్దరు హీరోయిన్లుగా నటిస్తున్నారు.. నటాషాదోషి, రుచితా సాదినేని హీరోయిన్లుగా నటిస్తున్నారు… ఇక వీబీఆర్ దర్శకత్వం వహిస్తున్నారు..

ఈ సినిమా కథ విషయానికొస్తే.. స్పెషల్ ఇన్వేస్టిగేషన్ టీమ్ ఓ క్రైమ్ ను సాల్వ్ చేసేందుకు ఎలాంటి ప్రయత్నాలు చేసింది అనేది సినిమాలో చూపించారు.. క్రైమ్‌ను తన తెలివితేటలతో ఓ పోలీస్ ఆఫీసర్ ఎలా సాల్వ్ చేశాడు అన్నది థ్రిల్లింగ్‌గా ఈ మూవీలో చూపించబోతున్నట్లు సమాచారం.. ఇక ఈ సినిమా కౌశిక్ మేకల, అనిల్ రాథోడ్ కీలక పాత్రల్లో కనిపించబోతున్నారు. గత ఏడాది ఈ మూవీ షూటింగ్ పూర్తయింది.. థియేటర్లలో కాకుండా నేరుగా ఓటీటీలోకి రాబోతుంది.. అక్కడ ఎలాంటి టాక్ ను అందుకుంటుందో చూడాలి..