LPG ‘Gas ATM: ఎల్పీజీ కొరతకు గుడ్‌బై? 24×7 గ్యాస్ ఏటీఎం.. ఇక లైన్లు, వెయిటింగ్ లేదు!

అమెరికా-ఇజ్రాయెల్-ఇరాన్ యుద్ధం కారణంగా దేశవ్యాప్తంగా ఎల్‌పీజీ కొరత కొనసాగుతోంది. ఈ నేపథ్యంలో ఇప్పుడు భారత్ లో వంటగ్యాస్ సిలిండర్ల కోసం ఎగబడటం, ఏజెన్సీల వద్ద లైన్లు పెట్టుకోవడం, రోజుల తరబడి వేచి ఉండటం వంటి సమస్యలకు శాశ్వత పరిష్కారంగా LPG Gas ATMలు (ఎల్‌పీజీ ఏటీఎంలు) వచ్చేశాయి. ఇది బ్యాంకు ఏటీఎం మాదిరిగానే పని చేస్తుంది. కానీ నగదు కాకుండా నిండు ఎల్‌పీజీ సిలిండర్ ఇస్తుంది.

Also Read:Govt Jobs: నిరుద్యోగులకు తీపి కబురు.. IIFCLలో ఉద్యోగాలు..

LPG Gas ATM అంటే ఏమిటి?

భారత పెట్రోలియం కార్పొరేషన్ లిమిటెడ్ (BPCL) భారత్ గ్యాస్ ద్వారా ప్రవేశపెట్టిన ఆధునిక ఆటోమేటెడ్ వెండింగ్ మెషిన్. దీన్ని LPG ATM లేదా Gas ATM అంటారు. ఇది 24×7 తెరిచి ఉంటుంది. రాత్రి 2 గంటలకైనా సిలిండర్ తెచ్చుకోవచ్చు. భారతదేశంలో మొదటి ఏఐ (ఆర్టిఫిషియల్ ఇంటెలిజెన్స్) ఆధారిత LPG ATMలు 2025లో బెంగళూరు, గురుగ్రామ్ (గుర్గావ్) వంటి ప్రాంతాల్లో పైలట్ ప్రాజెక్ట్‌గా ప్రారంభమయ్యాయి.
ఇప్పుడు NCR (ఢిల్లీ-గురుగ్రామ్), బెంగళూరు, జైపూర్, ముంబై వంటి నగరాల్లో అందుబాటులో ఉన్నాయి. త్వరలో ఇతర రాష్ట్రాలకు (ఆంధ్రప్రదేశ్, తెలంగాణ సహా) విస్తరిస్తాయని అంచనా.

ఎలా పని చేస్తుంది?

ఇది పూర్తిగా డిజిటల్, ఆటోమేటెడ్ ప్రక్రియ. కేవలం 2-3 నిమిషాల్లో ఖాళీ సిలిండర్ ఇచ్చి నిండు సిలిండర్ తీసుకోవచ్చు. మెషిన్ వద్దకు వెళ్లి మీ రిజిస్టర్డ్ మొబైల్ నంబర్ ఎంటర్ చేయండి.
OTP ద్వారా వెరిఫై చేయండి (మీ భారత్ గ్యాస్ కనెక్షన్ లింక్ అయి ఉండాలి).
మీ ఖాళీ సిలిండర్ పై ఉన్న బార్‌కోడ్ లేదా QR కోడ్ స్కాన్ చేయండి.
డిజిటల్ పేమెంట్ చేయండి UPI (Google Pay, PhonePe), డెబిట్ కార్డ్ ద్వారా.
మెషిన్ మీ కనెక్షన్‌ను చెక్ చేసి (ఎలిజిబిలిటీ వెరిఫై), నిండు సిలిండర్ బయటకు ఇస్తుంది.
అదే సమయంలో మీ ఖాళీ సిలిండర్‌ను మెషిన్ లోపలికి తీసుకుంటుంది.

ప్రస్తుతం కాంపోజిట్ సిలిండర్లు (లైట్‌వెయిట్ ఫైబర్ గ్లాస్ సిలిండర్లు) మాత్రమే సపోర్ట్ చేస్తుంది. సాధారణ స్టీల్ సిలిండర్లు కాదు. డ్యామేజ్ అయిన సిలిండర్లు అంగీకరించదు. సబ్సిడీ కూడా అందుబాటులో ఉంటుంది (మీ DBA మీ ఖాతాకు జమ అవుతుంది).

లాభాలు ఏమిటి?

24 గంటలు అందుబాటు, ఏజెన్సీలు మూసేసినా సమస్య లేదు.
లైన్లు లేవు, వేచి ఉండాల్సిన అవసరం లేదు.
కాంటాక్ట్‌లెస్ – సురక్షితం, ముఖ్యంగా పాండమిక్ సమయాల్లో.
సరఫరా సమస్యలు, ఆలస్యాలు తగ్గుతాయి.
భవిష్యత్తులో ఇంకా ఎక్కువ సిలిండర్లు (5kg, 14.2kg) సపోర్ట్ చేసే అవకాశం ఉంది.

Also Read:BMW M2 CS: భారత్ లో బీఎండబ్ల్యూ M2 CS విడుదల.. 3.8 సెకన్లలో 100KM/H వేగంతో రయ్ రయ్.. ధర తెలిస్తే షాకే

ప్రస్తుతం పైలట్ దశలో ఉంది – అందరి ప్రాంతాల్లో లేవు.
భారత్ గ్యాస్ కస్టమర్లకు మాత్రమే (Indane, HP Gas వారికి ఇంకా రాలేదు).
మీ ప్రాంతంలో ఉందా అని తెలుసుకోవాలంటే భారత్ గ్యాస్ యాప్ లేదా హెల్ప్‌లైన్‌కు కాల్ చేయండి.