Wedding Kit: మధ్యప్రదేశ్లోని ఝబువా జిల్లాలో సోమవారం జరిగిన సామూహిక వివాహ కార్యక్రమంలో వధువులకు ఇచ్చిన మేకప్ బాక్సుల్లో కండోమ్లు, గర్భనిరోధక మాత్రలు దొరికాయి. ముఖ్యమంత్రి శివరాజ్ సింగ్ చౌహాన్ ప్రారంభించిన ముఖ్యమంత్రి కన్యా వివాహం/నికా యోజన పథకం కింద ఆర్థికంగా వెనుకబడిన వర్గాల మహిళల కోసం ఒక పథకం కింద సామూహిక వివాహ కార్యక్రమం నిర్వహించబడింది. ఇందులో 296 జంటలు వివాహం చేసుకున్నారు. ఈ పథకం కింద నవ దంపతులకు కండోమ్లు, గర్భనిరోధక మాత్రలు పంపిణీ చేశారు. పథకంలో భాగంగా దంపతుల మధ్య పంపిణీ చేసిన మేకప్ బాక్సుల్లో ప్యాకెట్లు కనిపించాయి.
కుటుంబ నియంత్రణకు సంబంధించిన అవగాహన కార్యక్రమంలో భాగంగా ఆరోగ్య అధికారులు కండోమ్లు, గర్భనిరోధక మాత్రలు పంపిణీ చేసే అవకాశం ఉందని జిల్లా సీనియర్ అధికారి భూర్సింగ్ రావత్ రాష్ట్ర ఆరోగ్య శాఖపై నిందలు వేశారు.”కండోమ్లు, గర్భనిరోధక మాత్రలను పంపిణీ చేసే బాధ్యత మాది కాదు. కుటుంబ నియంత్రణ అవగాహన కార్యక్రమంలో భాగంగా ఆరోగ్య శాఖ మెటీరియల్ని అందజేసే అవకాశం ఉంది. ముఖ్యమంత్రి కన్యా వివాహం/నికా యోజన కింద మేము నేరుగా లబ్ధిదారుడి ఖాతాలోకి రూ.49,000ని బదిలీ చేస్తాము. ఆహారం, నీరు, టెంట్ అందించే బాధ్యత మాది. దీని విలువ రూ.6,000 ఉంటుంది. పంపిణీ చేసిన ప్యాకెట్లలో ఏముందో నాకు తెలియదు.” అని జిల్లా సీనియర్ అధికారి భూర్సింగ్ రావత్ చెప్పారు.
Read Also: Imran Khan: జిన్నా ఇంటిపై దాడి కేసు.. ఇమ్రాన్ఖాన్కు సమన్లు
మధ్యప్రదేశ్ ప్రభుత్వం ఆర్థికంగా వెనుకబడిన వర్గాల మహిళల వివాహాలకు ఆర్థిక సహాయం అందించడానికి ఏప్రిల్ 2006లో ముఖ్యమంత్రి కన్యా వివాహం/నికా యోజనను ప్రారంభించింది. పథకం కింద, ప్రభుత్వం వధువు కుటుంబానికి రూ.55,000 అందిస్తుంది. గత నెలలో దిండోరిలోని గడ్సరాయ్ ప్రాంతంలో జరిగిన సామూహిక వివాహ కార్యక్రమంలో కొంతమంది వధువులకు గర్భ పరీక్షలు చేయించడంతో ఈ పథకంపై విమర్శలు వెల్లువెత్తాయి. ప్రెగ్నెన్సీ టెస్ట్ పాజిటివ్గా వచ్చిన ఒక మహిళ పెళ్లికి ముందు తన కాబోయే భర్తతో కలిసి జీవిస్తున్నట్లు చెప్పింది. సాధారణంగా వధూవరుల వయస్సును నిర్ధారించడానికి, సికిల్ సెల్ అనీమియాను తనిఖీ చేయడానికి, వారు శారీరకంగా దృఢంగా ఉన్నారని నిర్ధారించుకోవడానికి పరీక్షలు నిర్వహించబడతాయని డిండోరి చీఫ్ మెడికల్ ఆఫీసర్ చెప్పారు.
