CM Revanth Reddy : లోక్‌సభ స్పీకర్ ఓం బిర్లా కుమార్తె రిసెప్షన్‌కు హాజరైన సీఎం రేవంత్..

లోక్‌సభ స్పీకర్ ఓం బిర్లా కుమార్తె అంజలి బిర్లా 2024 నవంబర్ 12న సింధీ హిందూ మతానికి చెందిన అనీష్ రజనీని వివాహం చేసుకున్న విషయం తెలిసిందే. తాజాగా సోమవారం రాత్రి ఢిల్లీలో నిర్వహించిన ఓం బిర్లా కుమార్తె రిసెప్షన్ కు తెలంగాణ ముఖ్యమంత్రి రేవంత్ రెడ్డి హాజరయ్యారు. వధూవరులు అంజలి, అనీష్ లను ఆశీర్వదించారు. కార్యక్రమంలో శాసన సభ స్పీకర్ గడ్డం ప్రసాద్ కుమార్, రాష్ట్ర మంత్రి ఉత్తమ్ కుమార్ రెడ్డి, భువనగిరి ఎమ్మెల్యే చామల కిరణ్ కుమార్ రెడ్డి కూడా రేవంత్ వెంట ఉన్నారు.

READ MORE: CM Chandrababu: ఆర్ అండ్‌ బీ శాఖపై సీఎం సమీక్ష.. వారిని బ్లాక్‌ లిస్టులో పెట్టాలని ఆదేశాలు

కాగా.. తాజాగా లోక్‌సభ స్పీకర్ ఓం బిర్లా కుమార్తె అంజలి బిర్లా ఓ ముస్లిం వ్యక్తిని వివాహం చేసుకున్నారని సోషల్ మీడియాలో పోస్ట్‌ వైరల్ అవుతోంది. ‘కోట’లో వ్యాపార కుటుంబానికి చెందిన అనీసుర్ రెహమాన్ అనే ముస్లిం వ్యక్తిని వివాహం చేసుకున్నారని పోస్ట్ లో పేర్కొన్నారు. అయితే.. ఈ పోస్టుకు సంబంధించిన నిజం బయటపడింది. అంజలి బిర్లా సింధీ హిందూ మతానికి చెందిన అనీష్ రజనీని వివాహం చేసుకున్నారు. ఈ మేరకు పలు మీడియా సంస్థలు, వార్తాపత్రికలు కథనాలు ఈ విషయాన్ని ధృవీకరించాయి. ఇదే అంశంపై గయా మాజీ ఎంపీ, బీజేపీ నేత హరి మాంఝీ ఎక్స్ (ట్విట్టర్)లో స్పందించారు.. ఈ ప్రచారాన్ని నమ్మొద్దని కోరారు. ఆయన అంజలి బిర్లా, అనీష్‌ల వివాహ ఆహ్వాన పత్రికను కూడా షేర్ చేశారు. దీనిని బట్టి ఈ వైరల్ పోస్ట్‌ తప్పు అని తేలింది.