Bollywood Actors Arrest : మోసాలకు పాల్పడుతున్న బాలీవుడ్ నటీనటుల అరెస్ట్

Bollywood Actors Arrest : హైదరాబాదులో మోసాలకు పాల్పడుతున్న ఒక బాలీవుడ్ నటుడిని, నటిని పోలీసులు అరెస్ట్ చేశారు. అపూర్ అశ్విణ్, నటాషా కపూర్‌ అనే ఇద్దరినీ సైబరాబాద్ పోలీసులు అరెస్టు చేశారు. చిన్న పిల్లలకు మోడలింగ్ లో శిక్షణ ఇచ్చి అవకాశాలు ఇస్తామని చెబుతూ మోసాలు చేస్తున్నట్లు పోలీసులు గుర్తించారు. ప్రపంచవ్యాప్తంగా ర్యాంప్ షోలు నిర్వహిస్తామని వాటిలో మీకు అవకాశాలు ఇస్తామంటూ వారు మోసాలకు పాల్పడినట్లు పోలీసులు గుర్తించారు. ప్రముఖ హీరోయిన్ రష్మికతో కలిసి మోడలింగ్ చేసే అవకాశం ఉందంటూ మాయమాటలు చెప్పడంతో ఒక వ్యాపారవేత్త నమ్మి రూ.20 లక్షలు సమర్పించుకున్నట్లు సమాచారం. కేవలం వ్యాపారవేత్తల పిల్లలకు మాత్రమే అవకాశం ఇస్తామని అందుకు కొంత మొత్తం తీసుకుంటామని చెబుతూ ఒక వ్యాపారవేత్త నుంచి దాదాపుగా 20 లక్షలు ఈ జంట వసూలు చేసినట్లు తెలుస్తోంది.

Read Also: Building Collapse : సిరియాలో కుప్పకూలిన భవనం.. 16మంది మృతి

కాస్మోపాలిటన్ మోడల్ పేరుతో ఒక వెబ్సైట్ నిర్వహిస్తున్నారు ఈ ఇద్దరు. 20 లక్షలు ఇచ్చినా .. ఎన్ని రోజులు గడుస్తున్నా వారి నుంచి ఎలాంటి కబురు లేక పోవడంతో తాను మోసపోయాననే విషయం అర్థం చేసుకుని వెంటనే సైబరాబాద్ పోలీసులకు ఫిర్యాదు చేశాడు. కేసు నమోదు చేసుకున్న సైబరాబాద్ పోలీసులు ఈ విషయమై దర్యాప్తు జరిపి వీరిద్దరూ కలిసి ఇలాంటి మోసాలకు పాల్పడుతున్నట్లుగా గుర్తించి వెంటనే రంగంలోకి దిగారు. వీరిద్దరినీ ప్రస్తుతానికి అరెస్ట్ చేసి విచారణ జరుపుతున్నట్లు తెలుస్తోంది. అయితే ఇలాంటి ప్రకటనలు నమ్మవద్దని పోలీసులు ఎన్ని సార్లు చెబుతున్నా సామాన్యులు ఆశపడి మోసపోతున్న ఘటనలు ఎప్పటికప్పుడు వెలుగులోకి వస్తూనే ఉన్నాయి.