Bhojpuri Actress Suicide: ప్రముఖ నటి ఆకాంక్ష దుబే మరణ వార్తతో భోజ్‌పురి పరిశ్రమ ఒక్కసారిగా ఉలిక్కిపడింది. ఉత్తరప్రదేశ్‌లోని వారణాసిలోని ఓ హోటల్‌లో నటి శవమై కనిపించింది. ‘మేరీ జంగ్ మేరా ఫైస్లా’ సినిమాతో ఇండస్ట్రీలోకి అడుగుపెట్టిన 25 ఏళ్ల ఆకాంక్ష ఆత్మహత్య చేసుకుని మరణించింది. భోజ్‌పురి నటి ఆకాంక్ష దుబే రాబోయే ప్రాజెక్ట్ షూటింగ్ కోసం వారణాసిలో ఉన్నట్లు సమాచారం. చిత్రీకరణ తర్వాత నటి అక్కడి సారనాథ్ హోటల్‌కి వెళ్లింది. ఆమె హోటల్ గదిలో శవమై కనిపించింది. పోలీసులు కేసు నమోదు చేసి దర్యాప్తు ప్రారంభించారు.
హోటల్‌లో ఆకాంక్ష చనిపోవడానికి కొన్ని గంటల ముందు, ఆమె భోజ్‌పురి పాట ‘హిలోర్ మేరేలో’కు తన బెల్లీ డ్యాన్స్ స్కిల్స్‌ను ప్రదర్శిస్తూ తన వీడియోను షేర్ చేసింది. అత్యంత ఆశ్చర్యకరమైన విషయం ఏంటంటే.. ఆకాంక్ష సింగ్ మరణించడానికి ముందే వీడియో సాంగ్ ను స్వయంగా తన సోషల్ మీడియాలో షేర్ చేసింది. ఆ వీడియో సాంగ్‌లో ఆకాంక్ష భోజ్‌పురి సూపర్‌స్టార్ పవన్ సింగ్‌తో కలిసి కనిపించింది.
Read Also: IPL 2023: క్రికెట్ లోకి నందమూరి నటసింహం.. ఆటాడేస్తారా?
భోజ్‌పురి నటి ‘మేరీ జంగ్ మేరా ఫైస్లా’తో పరిశ్రమలోకి అడుగుపెట్టింది. ఆమె ముజ్సే షాదీ కరోగి (భోజ్‌పురి), వీరన్ కే వీర్, ఫైటర్ కింగ్‌లో కూడా కనిపించింది. చిన్న వయసులోనే తన నటనా నైపుణ్యంతో ఇండస్ట్రీలో తనకంటూ ఓ ప్రత్యేక స్థానాన్ని సంపాదించుకుంది ఆకాంక్ష. ఆకాంక్ష దూబే 21 అక్టోబర్ 1997న ఉత్తరప్రదేశ్‌లోని మీర్జాపూర్‌లో జన్మించింది. ఆకాంక్ష ఇన్‌స్టాగ్రామ్‌లో చాలా యాక్టివ్‌గా ఉండేది. ఆమెకు డ్యాన్స్ అంటే చాలా ఇష్టమని తెలుస్తుంది. ఇన్‌స్టాలో ఆకాంక్ష దూబేకి దాదాపు 17 లక్షల మంది ఫాలోవర్లు ఉన్నారు.