Bhagavanth Kesari : అప్పటి నుండి సినిమా ప్రమోషన్స్ మొదలు పెట్టనున్న చిత్ర యూనిట్..?

నందమూరి నటసింహం బాలకృష్ణ హీరోగా యంగ్ డైరెక్టర్ అనిల్ రావిపూడి దర్శకత్వంలో తెరకెక్కుతున్న లేటెస్ట్ సెన్సేషనల్ మూవీ ”భగవంత్ కేసరి”..ఈ సినిమా కోసం నందమూరి ఫ్యాన్స్ ఎంతో ఆసక్తిగా ఎదురు చూస్తున్నారు.. ఇప్పటి వరకు ఈ సినిమా నుండి ప్రమోషన్స్ ను స్టార్ట్ చేయలేదు.. దీంతో ఫ్యాన్స్ ఎప్పుడెప్పుడు ఈ సినిమా నుండి అప్డేట్ ఇస్తారా అని ఎదురు చూస్తున్నారు. ఇదివరకు బాలయ్య బర్త్ డే సందర్బంగా భగవంత్ కేసరి టీజర్ ను విడుదల చేయగా ఆ టీజర్ కు భారీ రెస్పాన్స్ వచ్చింది.ఈ టీజర్ తర్వాత చిత్ర యూనిట్ మరొక అప్డేట్ ఇవ్వలేదు. అయితే తాజాగా అందుతున్న సమాచారం ప్రకారం ఈ సినిమా మేకర్స్ సినిమా ప్రమోషన్స్ స్టార్ట్ చేయడానికి సిద్ధం అయినట్లు సమాచారం.ఇప్పటికే ఈ సినిమా షూటింగ్ ను శరవేగంగా పూర్తి చేస్తున్నారు మేకర్స్.అతి త్వరలోనే ఈ సినిమా షూటింగ్ పూర్తి కాబోతుంది.దీంతో ప్రమోషన్స్ మొదలు పెట్టాలని చూస్తున్నట్లు సమాచారం.

తాజా సమాచారం ప్రకారం ఆగస్టు మూడవ వారం నుండి ఈ సినిమా కు సంబంధించి వరుస అప్డేట్ రానున్నట్టు తెలుస్తుంది.దీంతో ఇక నుండి భగవంత్ కేసరి మేనియా మొదలవబోతుందని నందమూరి అభిమానులు ఎంతగానో ఆనందంగా వున్నారు. ఈ సినిమాను దసరా కానుకగా అక్టోబర్ 19న ఈ సినిమాను ప్రపంచ వ్యాప్తం గా ఎంతో గ్రాండ్ గా విడుదల చేయబోతున్నారు.ఇక ఈ సినిమాలో బాలయ్యకు సరసన కాజల్ అగర్వాల్ హీరోయిన్ గా నటిస్తుంది. అలాగే యంగ్ బ్యూటీ శ్రీలీల బాలయ్య కూతురి పాత్రలో నటిస్తుంది.అలాగే ఈ సినిమాలో విలన్ గా బాలీవుడ్ స్టార్ అర్జున్ రాంపాల్ నటిస్తున్నాడు. ఈ సినిమాను షైన్ స్క్రీన్స్ బ్యానర్ వారు ఎంతో గ్రాండ్ గా నిర్మిస్తున్నారు.అలాగే ఈ సినిమాకు స్టార్ మ్యూజిక్ డైరెక్టర్ థమన్ సంగీతం అందిస్తున్నారు. అఖండ మరియు వీరసింహారెడ్డి వంటి రెండు బ్లాక్ బస్టర్స్ అందుకున్న బాలయ్య భగవంత్ కేసరి సినిమాతో కూడా అదిరిపోయే హిట్ అందుకోవాలని చూస్తున్నారు.