బెల్లం ఆరోగ్యానికి చాలా మంచిది.. ఐరన్ ఎక్కువగా ఉండటంతో ఎక్కువ మంది చెక్కరకు బదులుగా బెల్లం వేసుకుంటారు.. బెల్లంతో చేసుకోదగిన రుచికరమైన తీపి వంటకాల్లో బెల్లం బోండాలు కూడా ఒకటి. ఈ బోండాలు చాలా రుచిగా ఉంటాయి. గోధుమపిండి, బెల్లం కలిపి చేసే ఈ బోండాలను తినడం వల్ల రుచితో పాటు ఆరోగ్యాన్ని కూడా పొందవచ్చు. పూర్వకాలం నుండి వీటిని తయారు చేస్తున్నారు. వీటిని అరగంటలోపే మనం సులభంగా తయారు చేసుకోవచ్చు… ఎంతో రుచిగా ఉండే,కరకరలాడే బొండాలను ఎలా తయారు చేసుకోవాలో ఇప్పుడు తెలుసుకుందాం..
కావలసిన పదార్థాలు :
బెల్లం – 200 గ్రా.,
నీళ్లు – పావు లీటర్,
గోధుమపిండి – అర కిలో,
వంటసోడా – పావు టీ స్పూన్,
ఉప్పు – చిటికెడు,
బొంబాయి రవ్వ – ఒకటిన్నర టీ స్పూన్,
నూనె – డీప్ ఫ్రైకు సరిపడా..
తయారీ విధానం :
ముందుగా ఒక గిన్నెలో బెల్లం తురుము వేసి తగినన్ని నీళ్లు వేసి వేడి చెయ్యాలి.. బెల్లం కరిగిన తర్వాత స్టవ్ ఆఫ్ చెయ్యాలి.. తరువాత గిన్నెలో గోధుమ పిండిని తీసుకోవాలి. తరువాత ఇందులో ఉప్పు, వంటసోడా, రవ్వ వేసి కలపాలి. తరువాత వడకట్టిన బెల్లం నీటిని కొద్ది కొద్దిగా పోస్తూ బోండా పిండిలాగా జారుడుగా కలుపుకోవాలి. ఇలా కలుపుకున్న తరువాత దీనిపై మూతను ఉంచి 10 నిమిషాల పాటు పక్కకు ఉంచాలి. ఆ తర్వాత మళ్లీ ఒకసారి కలపాలి. ఇలా నూనె వేడయ్యాక మంటను మధ్యస్థంగా చేసి కొద్ది కొద్దిగా పిండిని తీసుకుంటూ బోండాలను వేసుకోవాలి. వీటిని అటు ఇటూ కదుపుతూ గోల్డెన్ కలర్ లోకి వచ్చే వరకు వేయించుకుని ప్లేట్ లోకి తీసుకోవాలి. ఇలా చేయడం వల్ల ఎంతో రుచిగా ఉండే బెల్లం బోండాలు తయారవుతాయి.. అంతే చాలా సింపుల్ గా స్వీట్ గా ఉండే తియ్యని బొండాలు రెడీ అయినట్లే.. మీరు కూడా ఒకసారి ట్రై చెయ్యండి.. వీటిని పిల్లలు ఇష్టంగా తింటారు..ఆరోగ్యానికి మంచిది కూడా ట్రై చెయ్యండి..