Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
- షేక్ హసీనా బంగ్లాదేశ్కు వెళ్లే ముందే రాజకీయ ఉద్రిక్తతలు..
- అవామీ లీగ్ పిలుపుతో దేశంలో లాక్డౌన్..
- ఢాకాలతో సహా పలు ప్రాంతాల్లో పేలుళ్లు, పోలీస్ స్టేషన్ దహనాలు..
- అవామీ లీగ్ను అడ్డుకోవాలని ప్రజలకు ప్రధాని తారిఖ్ రెహ్మన్ పిలుపు..
- Follow Us :
-
-
Add as a preferred
source on google
Bangladesh: బంగ్లాదేశ్లో విధ్వంసం జరుగుతోంది. రాజకీయ ఉద్రిక్తతలు, బాంబు పేలుళ్లతో దద్దరిల్లుతోంది. భారత్లో ఉన్న బంగ్లాదేశ్ మాజీ ప్రధాని షేక్ హసీనా, స్వదేశంలో అడుగుపెట్టకముందే అక్కడి తారిఖ్ రెహ్మాన్ బీఎన్పీ ప్రభుత్వానికి చుక్కలు చూపిస్తోంది. డిసెంబర్లో తాను బంగ్లాదేశ్ వెళ్తున్నట్లు షేక్ హసీనా ప్రకటించింది. దీంతో ఆమె పార్టీ అవామీ లీగ్ ఒక్కసారిగా యాక్టివ్ అయింది. మహ్మద్ యూనస్ తాత్కాలిక అధ్యక్షుడి ఉన్న సమయంలో అవామీ లీగ్ను నిషేధించాడు. ఇప్పుడు ఆ పార్టీ కార్యకర్తలు బంగ్లాదేశ్లో విరుచుకుపడుతున్నారు.
బంగ్లాలో లాక్డౌన్..
షేక్ హసీనా స్వదేశానికి తిరిగి వస్తారని ప్రకటించడంతో రాజకీయ ఉద్రిక్తతలు తారాస్థాయికి చేరాయి. అవామీ లీగ్ దేశవ్యాప్తంగా లాక్డౌన్కు పిలుపునివ్వడంతో నవంబర్ 19న బంగ్లాదేశ్లో చాలా ప్రాంతాలు మూతపడ్డాయి. బుధవారం నుంచి గురువారం వరకు పలు ప్రాంతాల్లో హింస, బాంబు పేలుళ్లు, పోలీస్ స్టేషన్లకు నిప్పు పెట్టడం వంటి సంఘటనలు చోటుచేసుకున్నాయి. ఈ హింస వెనక అవామీ లీగ్ ఉందని బంగ్లా ప్రభుత్వం ఆరోపిస్తోంది. బంగ్లాదేశ్లో హింసను అదుపు చేసేందుకు బీఎన్పీ ప్రభుత్వం ఏడు జిల్లాల్లో సుమారు 3,000 మంది భద్రతా సిబ్బందిని మోహరించింది. ఢాకా, చిట్టగాంగ్, నారాయణ్గంజ్, గాజీపూర్, గోపాల్గంజ్, మయమన్సింగ్, ఫరీద్పూర్ జిల్లాల్లో శాంతిభద్రతలను కాపాడేందుకు బోర్డర్ గార్డ్ బంగ్లాదేశ్ (BGB)కు చెందిన 96 ప్లాటూన్లను రంగంలోకి దించారు.
Also Read
- Asteroids: భూమి వైపు దూసుకొస్తున్న 5 గ్రహశకలాలు.. నాసా 48 గంటల పాటు అలర్ట్!
- Hindu Population: హిందూ జనాభాలో అగ్రస్థానం.. ముస్లిం జనాభాలో రెండో స్థానం.. 2070 నాటి ప్రపంచంలో భారత్లో పరిస్థితి!
- Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
- Dawood Ibrahim: పాకిస్థాన్లో దావూద్ ఇంకా ఫుల్ యాక్టివ్.. మాజీ ఎఫ్బీఐ ఏజెంట్ బయటపెట్టిన సంచలన నిజాలు
ఢాకాలో బాంబు పేలుళ్లు..
బంగ్లాదేశ్ వ్యాప్తంగా పలు ప్రాంతాల్లో విధ్వంసకర ఘటనలు చోటుచేసుకున్నాయి. వివిధ ప్రాంతాల్లో దాడులు, పోలీస్ స్టేషన్లకు నిప్పుపెట్టడం, పెట్రోల్ బాంబుల పేలుళ్లు జరిగాయి. మరోవైపు, అవామీ లీగ్ దాని అనుబంధ సంస్థల కార్యకర్తలు షేక్ హసీనాకు మద్దతుగా నిరసనల్లో పాల్గొన్నారు. పశ్చిమ నరైల్లో బుధవారం రాత్రి జరిగిన హింసాత్మక ఘటనల్లో బీఎన్పీకి చెందిన ఇద్దరు స్థానిక నాయకులు మరణించారు. గత రెండు రోజుల్లో నైరుతి ఫరీద్పూర్, పిరోజ్పూర్ ప్రాంతాల్లోనూ మరో ఇద్దరు ప్రాణాలు కోల్పోయారు.
ఢాకాలోని అగర్గావ్ ప్రాంతంలో గురువారం గుర్తుతెలియని వ్యక్తులు మెట్రో రైలు స్టేషన్ కింద నాటు బాంబును పేల్చారు. మరోవైపు, అధికార బీఎన్పీ కార్యకర్తలు ఢాకాలోని అవామీ లీగ్కు చెందిన ఇద్దరు నాయకుల ఇళ్లపై దాడి చేసి నిప్పుపెట్టారు. చిట్టగాంగ్లో మాజీ తాత్కాలిక ప్రభుత్వ అధిపతి మహ్మద్ యూనస్ పూర్వీకుల ఇంటిని కాల్చివేశారు.
అవామీ లీగ్ను అడ్డుకోవాలని ప్రధాని పిలుపు..
షేక్ హసీనా డిసెంబర్లో బంగ్లాదేశ్ వెళ్తున్న నేపథ్యంలో దేశం అంతా అట్టడుకుతోంది. అవామీ లీగ్ తిరిగి అధికారంలోకి రావడాన్ని అడ్డుకునేందుకు ప్రజాస్వామ్య శక్తుల్నీ ఏకం కావాలని బంగ్లాదేశ్ ప్రధాని తారిక్ రెహ్మన్ పిలుపునిచ్చారు. అవామీ లీగ్ ఉగ్రవాద సంస్థగా, ఓడిపోయి అధికారం కోల్పోయిన ఫాసిస్ట్ శక్తిగా ఆయన అభివర్ణించారు. మంగళవారం పార్లమెంట్లో తారిఖ్ రెహ్మాన్ ప్రసంగిస్తూ.. 2024లో నిరంకుశ శక్తులను దేశం నుంచి తరిమికొట్టినప్పుడు ఉన్న స్ఫూర్తితో మరోసారి ఐక్యంగా ముందుకు సాగాలని అన్నారు. ఆ శక్తులను నిర్ణయాత్మకంగా ఓడించేలా చర్యలు తీసుకోవాల్సిన అవసరం ఉందని పేర్కొన్నారు.
తాజావార్తలు
-
Koti Deepotsavam 2026 Day-6 Live: ఆరో రోజు వేడుకలు.. నేటి ప్రత్యేక ఆధ్యాత్మిక కార్యక్రమాలు..
-
Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
-
Indiramma Family Life Insurance: తెలంగాణ కుటుంబాలకు రేవంత్ సర్కార్ భరోసా.. కొత్త బీమా పథకం షురూ
-
Healthy Breakfast: ఈ చలికాలంలో తప్పకుండా తినాల్సిన హెల్దీ బ్రేక్ఫాస్ట్! 10 నిమిషాల్లో ఈజీగా చేసుకోండిలా..
-
AP-Tamil Nadu: తమిళనాడు పెట్టుబడుల రహస్యాలు ఏపీకి లీక్.? 15 మంది అధికారులపై విజయ్ సర్కార్ వేటు..
-
CM Revanth Reddy : సిద్దిపేటలో కేసీఆర్కు రేవంత్ సవాల్.. మెడికల్ కాలేజీకి మదన్ మోహన్ పేరు
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!