Mumbai Road Accident: బాంద్రాలో కారు బీభత్సం.. ముగ్గురు మృతి!

3 Killed and 6 Injured In Multi-Car Crash At Mumbai: ముంబైలోని బాంద్రాలో ఓ కారు బీభత్సం సృష్టించింది. వేగంగా దూసుకొచ్చిన కారు.. అదుపుతప్పి పలు వాహనాలపైకి దూసుకెళ్లింది. ఈ ప్రమాదంలో ముగ్గురు మృతి చెందారు. మరో ఆరుగురు తీవ్రంగా గాయపడ్డారు. సమాచారం అందుకున్న పోలీసులు ఘటనాస్థలికి చేరుకొని.. క్షతగాత్రులను ఆస్పత్రికి తరలించారు. కేసు నమోదు చేసుకున్న పోలీసులు దర్యాప్తు చేపట్టారు.

గురువారం రాత్రి 10:15 గంటల ప్రాంతంలో వర్లీ నుంచి బాంద్రా వైపు వేగంగా వస్తున్న కారు ప్రమాదానికి గురైంది. బాంద్రా వైపు వెళ్తున్న కారు సీలింక్‌ వంతెన వద్ద ఉన్న టోల్‌ ప్లాజాకు 100 మీటర్ల ముందు ఓ వాహనాన్ని ఢీకొట్టింది. ఆ తర్వాత మరో 4-5 వాహనాలపైకి దూసుకెళ్లింది. ఈ ఘటనలో మొత్తం ఆరు వాహనాలు ఢీకొన్నాయి. ఈ ప్రమాదంలో మొత్తం 12 మందికి గాయాలయ్యాయి. అందులో ముగ్గురు మృతి చెందగా.. ఆరుగురు చికిత్స పొందుతున్నారు. గాయపడిన వారిలో ఇద్దరి పరిస్థితి విషమంగా ఉందని జోన్ 9 డీసీపీ కృష్ణకాంత్ ఉపాధ్యాయ తెలిపారు.

#WATCH | Maharashtra | Around 12 people injured after a speeding car collided with a total of 6 vehicles parked at the toll plaza in the Bandra direction. The speeding car was coming from Worli towards Bandra. 3 of the injured are in serious condition: Mumbai Police

(Warning:… pic.twitter.com/3ijVwEls71

— ANI (@ANI) November 9, 2023