Athidhi Trailer: ఒక్కప్పటి స్టార్ హీరో వేణు తొట్టెంపూడి .. రామారావు ఆన్ డ్యూటీ అనే సినీమాతో రీ ఎంట్రీ ఇచ్చిన విషయం తెల్సిందే. ఈ సినిమా వేణుకు పరాజయాన్ని అందించినా అవకాశాలను మాత్రం దండిగానే అందించిందని అర్ధమవుతోంది. ఇక ప్రస్తుతం వేణు.. డిజిటల్ ఎంట్రీ ఇస్తున్నాడు. ఈ మధ్య ప్రేక్షకులు థియేటర్స్ కన్నా ఓటిటీల మీదనే మనసు పారేసుకున్నారన్న విషయం విదితమే. దీంతో స్టార్లు కూడా ఓటిటీ బాట పడుతున్నారు. వెబ్ సిరీస్ లతో ఓటిటీ ప్రేక్షకులకు దగ్గరవుతున్నారు. తాజాగా వేణు కూడా ఒక వెబ్ సిరీస్ తో ప్రేక్షకుల ముందుకు రాబోతున్నాడు. వేణు తొట్టెంపూడి, అవంతిక, సియా గౌతమ్ ప్రధాన పాత్రల్లో నటించిన సిరీస్ అతిథి. భరత్ YG దర్శకత్వం వహించిన ఈ సిరీస్ ను ప్రవీణ్ సత్తారు నిర్మించడం విశేషం. హర్రర్ నేపథ్యంలో ఈ సిరీస్ ను తెరకెక్కించారు. ఇప్పటికే ఈ సిరీస్ నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. తాజాగా ఈ సిరీస్ ట్రైలర్ ను మేకర్స్ రిలీజ్ చేశారు. ట్రైలర్ ఆద్యంతం ఆకట్టుకోవడమే కాకుండా ప్యాంట్ తడిసిపోయేలా భయపెడుతుంది అని చెప్పొచ్చు.
Rajinikanth: జైలర్ నటుడు మృతి.. ఎమోషనల్ అయిన రజినీ
” చాలా ఏళ్ల కిందట.. ఒక అమ్మాయి ప్రేమించిన వాడు మోసం చేశాడు అని ఆత్మహత్య చేసుకొని చనిపోయింది. అప్పటిసంది.. ఈ త్రోవకు పది కిలోమీటర్ల మెట్టకాడ ఆగి వచ్చేపోయేవారని అడ్డుకుంటా ఉంటుంది” అని ఒక ముసలి తాత వాయిస్ ఓవర్ తో ట్రైలర్ మొదలయ్యింది. ఇక రవి.. ఒక రచయిత. తాను కథ రాయడానికి ఆలోచనలు ఏమి రాక.. ఒక బంగ్లాకు వెళ్తాడు. అక్కడ కథ రాస్తుంటే.. ఒక అమ్మాయి హెల్ప్ కావాలంటూ ఇంట్లోకి వస్తుంది. ఆ తరువాత ఆ ఇంట్లో సమస్యలు తలెత్తుతాయి. అమ్మాయి ఆత్మహత్య చేసుకుంది అన్న కథను రవి కొట్టిపాడేయడంతో ఆమె దెయ్యంలా మారి.. అతని ఇంటికి వచ్చి.. ఎవరిపై పగ తీర్చుకోవాలనుకుంది.. దెయ్యానికి, రవికి ఉన్న సంబంధం ఏంటి.. ? అనేది సిరీస్ చూసి తెలుసుకోవాల్సిందే. ట్రైలర్ లో అవంతిక దెయ్యంలా కనిపిస్తుంది. సియా గౌతమ్ ఆత్మహత్య చేసుకున్న అమ్మాయి అని తెలుస్తోంది.హర్రర్ సినిమాలకు హైలైట్ అంటే మ్యూజిక్. సగం ప్రేక్షకులను మ్యూజికే భయపెడుతుంది. కపిల్ కుమార్ ఇచ్చిన మ్యూజిక్ ఆకట్టుకొంటుంది. హర్రర్ లవర్స్ కు ఈ సిరీస్ ఒక మంచి మీల్ లా ఉంటుందని మేకర్స్ అంటున్నారు. సెప్టెంబర్ 19 న ఈ సిరీస్ డిస్నీ ప్లస్ హాట్ స్టార్ లో స్ట్రీమింగ్ కానుంది. మరి ఈ సిరీస్ ప్రేక్షకులను ఎలా ఆకట్టుకుంటుందో చూడాలి.
