జమ్ము కాశ్మీర్లో మరో ఎన్కౌంటర్ చోటుచేసుకుంది. టెర్రర్ ఫ్రీ కాశ్మీర్ కోసం ఉగ్ర వేట కొనసాగుతోంది. జమ్మూ కాశ్మీర్లోని త్రాల్లో భద్రతా దళాలు, ఉగ్రవాదుల మధ్య ఎన్కౌంటర్ జరిగినట్లు సమాచారం. జైషే మహ్మద్ కు చెందిన ఇద్దరు లేదా ముగ్గురు ఉగ్రవాదులు ఈ ప్రాంతంలో దాక్కున్నట్లు సమాచారం.ఈ ఎన్కౌంటర్ త్రాల్లోని నాదిర్ గ్రామంలో జరుగుతోంది. పుల్వామాలో 48 గంటల్లో ఇది రెండో ఎన్కౌంటర్. మంగళవారం ఉదయం షోపియన్లో ముగ్గురు లష్కర్ ఉగ్రవాదులు హతమయ్యారు.
Also Read:Assam Rifles operation: సైన్యం భారీ ఆపరేషన్.. మణిపూర్లో 10 మంది ఉగ్రవాదులు హతం..
షోపియన్లో మంగళవారం భద్రతా దళాలు నిర్వహించిన ప్రత్యేక ఆపరేషన్లో ముగ్గురు లష్కరే తోయిబా ఉగ్రవాదులు హతమయ్యారు. ఈ ఉగ్రవాదులను జిన్పథర్ కెల్లర్ ప్రాంతంలో భద్రతా దళాలు చుట్టుముట్టాయి. ఈ ఆపరేషన్కు ఆపరేషన్ కిల్లర్ అని పేరు పెట్టారు. ఈ ఆపరేషన్లో మరణించిన లష్కర్ ఉగ్రవాదులలో ఒకరి పేరు షాహిద్ కుట్టే, అతను షోపియన్ నివాసి. అతను మార్చి 8, 2023న లష్కర్లో చేరాడు.
Also Read:Samantha : ఆ డైరెక్టర్ తో క్లోజ్ గా ఫొటో దిగిన సమంత..
మే 18, 2024న షోపియన్లోని హిర్పోరాలో జరిగిన బిజెపి సర్పంచ్ హత్యలో అతని హస్తం ఉంది. రెండవ ఉగ్రవాదిని షోపియన్లోని వందూనా మెల్హోరా నివాసి అద్నాన్ షఫీ దార్గా గుర్తించారు. అతను అక్టోబర్ 18, 2024న లష్కర్లో చేరాడు. అక్టోబర్ 18, 2024న షోపియన్లో స్థానికేతర కార్మికుడి హత్య కేసులో అతని ప్రమేయం ఉంది.
