Pawan Kalyan Security: పవన్‌ కల్యాణ్‌కు భద్రత పెంపు..

Pawan Kalyan Security: ఆంధ్రప్రదేశ్‌ డిప్యూటీ సీఎం, జనసేన అధినేత పవన్‌ కల్యాణ్‌కు భద్రతపు పెంచింది రాష్ట్ర ప్రభుత్వం.. పవన్‌ కల్యాణ్‌కు వై ప్లస్ సెక్యూరిటీ కేటాయించారు.. ఆయనకు వై ప్లస్ సెక్యూరిటీతో పాటు.. ఎస్కార్ట్, బుల్లెట్ ప్రూఫ్ కారును కేటాయించింది సర్కార్.. కాగా, ఈ రోజు గన్నవరం ఎయిర్‌పోర్ట్‌కు చేరుకున్న పవన్‌ కల్యాణ్‌.. ఆ తర్వాత.. తన క్యాంపు కార్యాలయానికి చేరుకున్నారు.. అధికారులతో కలిసి క్యాంపు కార్యాలయాన్ని పరిశీలించారు జనసేనాని.. మరోవైపు.. ఈ రోజు ఏపీ సచివాలయానికి వెళ్లనున్నారు పవన్‌.. అక్కడ తనకు కేటాయించిన ఛాంబర్‌ను పరిశీలించనున్నారు.. కాగా, రేపు డిప్యూటీ సీఎంగా జనసేన అధినేత పవన్‌ కల్యాణ్‌ బాధ్యతలు స్వీకరించనున్న విషయం విదితమే. బుధవారం రోజు పంచాయతీరాజ్, గ్రామీణాభివృద్ధి, పర్యావరణం, అటవీ శాఖల మంత్రిగా బాధ్యతలు చేపట్టనున్నారు పవన్‌ కల్యాణ్‌..

Read Also: Gold Price Today: వరుసగా రెండోరోజు తగ్గిన బంగారం ధరలు.. నేడు తులం ఎంతుందంటే?

ఇక, విజయవాడలో తన క్యాంపు కార్యాలయాన్ని పరిశీలించిన తర్వాత.. మంగళగిరి పార్టీ కార్యాలయానికి వెళ్లనున్నారు పవన్‌ కల్యాణ్‌.. ఆ తర్వాత మధ్యాహ్నం సెకండ్ బ్లాక్‌లోని తన ఛాంబర్‌ను పరిశీలించేందుకు సచివాలయానికి చేరుకుంటారు. పవన్ కళ్యాణ్ డిప్యూటీ సీఎంగా తొలిసారి సచివాలయంలో అడుగుపెట్టబోతున్నారు. ఈ తరుణంలో ఆయన భద్రతకు భరోసానిస్తూ, ముందస్తు చర్యగా.. ఆయనకు భద్రత పెంచుతూ ప్రభుత్వం నిర్ణయం తీసుకుంది.. కాగా, ఆంధ్రప్రదేశ్ సార్వత్రిక ఎన్నికల్లో టీడీపీ-బీజేపీతో కూటమితో కలిసి బరిలోకి దిగిన జనసేన.. పోటీ చేసిన 21 ఎమ్మెల్యే, రెండు ఎంపీ స్థానాల్లో విజయం సాధించిన విషయం విదితమే.. ఇక, ప్రభుత్వంలో భాగస్వామి అయిన జనసేన డిప్యూటీ సీఎం సహా కీలక శాఖలను దక్కించుకుంది.