US Road Accident: కాలిఫోర్నియాలో ఘోర రోడ్డు ప్రమాదం.. ఎనిమిది మంది మృతి
California: అమెరికాలోని సెంట్రల్ కాలిఫోర్నియాలో ఘోర రోడ్డు ప్రమాదం జరిగింది. ఇక్కడ ఓ వ్యాను లారీని ఢీకొట్టింది. ఈ ప్రమాదంలో ఎనిమిది మంది మృతి చెందారు. ఈ ఘటన సెంట్రల్ కాలిఫోర్నియాలోని మదేరా సిటీలో శుక్రవారం నాడు చోటు చేసుకుందని స్థానిక అధికారులు తెలిపారు. ఈ ప్రమాదంలో వ్యాన్లో ప్రయాణిస్తున్న ఏడుగురు రైతులతో పాటు పికప్ ట్రక్కు డ్రైవర్ మరణించినట్లు పోలీసులు తెలిపారు.
Read Also: Purandeswari: పొత్తులపై పురంధేశ్వరి క్లారిటీ!
కాగా, మదేరా సిటీ సమీపంలో ఉదయం 6:15 గంటలకు ప్రమాదం జరిగిందని సెంట్రల్ కాలిఫోర్నియా అధికారి జేవియర్ రువల్కాబా తెలిపారు. ఈ ప్రమాదంలో వ్యాన్ పూర్తిగా దెబ్బతినడం బాధాకరమన్నారు. ఈ ప్రమాదంలో వ్యాన్లో ప్రయాణిస్తున్న ఓ రైతు గాయపడ్డాడు.. అతన్ని చికిత్స కోసం స్థానిక ఆసుపత్రిలో చేర్చారని రువల్కాబా చెప్పుకొచ్చారు. ఇక, అధికారులు తెలిపిన వివరాల ప్రకారం.. ఈ ప్రమాదంలో ఇద్దరు మాత్రమే సీటు బెల్టు పెట్టుకున్నారు.. వ్యాన్లోని ఇతర వ్యక్తులు సీటు బెల్టు పెట్టుకుని ఉంటే ప్రాణాలతో బయటపడేవారని వెల్లడించారు. బ్లాక్ పికప్ ట్రక్ రెండు లేన్ల హైవేపై వేగంగా నడుపుతోందని ప్రత్యేక్ష సాక్షి పోలీసులకు తెలిపినట్లు రువల్కాబా తెలిపారు. ఈ సమయంలో ఈ ప్రమాదం జరిగింది.. డ్రైవరు మత్తు మందు సేవించి ఉన్నారా లేదా అనే విషయంపై విచారణ జరుపుతున్నట్లు పోలీసులు పేర్కొన్నారు.