ఐకాన్ స్టార్ అల్లు అర్జున్ భారీ లైనప్ సెట్ చేసుకుంటున్నాడు. ఈ నేపథ్యంలో.. మలయాళ స్టార్ డైరెక్టర్ బాసిల్ జోసెఫ్, అల్లు అర్జున్ మధ్య సాగుతున్న సాన్నిహిత్యం ఇప్పుడు సినీ వర్గాల్లో హాట్ టాపిక్గా మారింది. వీరిద్దరి కాంబినేషన్లో ఒక భారీ ప్రాజెక్ట్ పట్టాలెక్కబోతోందనే వార్తలు గత కొంతకాలంగా వినిపిస్తున్నాయి. బాసిల్ జోసెఫ్ చెప్పిన ఒక వైవిధ్యమైన కథకు బన్నీ గ్రీన్ సిగ్నల్ ఇచ్చారని, ప్రస్తుతం ఆ కథా చర్చలు తుది దశలో ఉన్నాయనే టాక్ ఉంది. అల్లు అర్జున్కు కేరళలో ఉన్న క్రేజ్ గురించి ప్రత్యేకంగా చెప్పనక్కర్లేదు.
Also Read : Bollywood : బాలీవుడ్లో గతేడాది అతి పెద్ద సర్ప్రైజ్ హిట్ సినిమా ఇదే
అక్కడ ఆయన్ని అభిమానులు ముద్దుగా ‘మల్లు అర్జున్’ అని పిలుచుకుంటారు. ఇప్పటికే తమిళ దర్శకులు అట్లీ, లోకేష్ కనగరాజ్తో సినిమాలు చేస్తున్న బన్నీ, ఇప్పుడు తన మలయాళ మార్కెట్ను మరింత బలోపేతం చేసుకోవాలని చూస్తున్నాడు. ఈ క్రమంలో.. ‘మిన్నల్ మురళి’ వంటి సెన్సేషనల్ హిట్ అందించిన బాసిల్ జోసెఫ్తో సినిమా చేసే ఛాన్స్ ఉంది. తాజాగా బాసిల్ జోసెఫ్, అల్లు శిరీష్ ప్రీ వెడ్డింగ్ వేడుకలో సందడి చేశాడు. దీంతో.. ఈ క్రేజీ కాంబినేషన్లో సినిమా ఫిక్స్ అయినట్టే.. అనే చర్చ జరుగుతోంది. అల్లు అర్జున్ బాడీ లాంగ్వేజ్కు సరిపోయే ఒక వినూత్నమైన సోషల్ డ్రామా లేదా సూపర్ హీరో తరహా కథను బాసిల్ సిద్ధం చేసినట్లు తెలుస్తోంది. ఈ ఇద్దరి కలయిక గనుక కుదిరితే, అది కేవలం తెలుగు, మలయాళ భాషల్లోనే కాకుండా దేశవ్యాప్తంగా సంచలనమే. ‘పుష్ప’ తర్వాత అల్లు అర్జున్ ఇమేజ్ గ్లోబల్ స్థాయికి వెళ్లడంతో, బాసిల్ వంటి టాలెంటెడ్ డైరెక్టర్తో సినిమా చేయడం సరైన నిర్ణయమని సినీ విశ్లేషకులు భావిస్తున్నారు. అయితే, ఈ ప్రాజెక్ట్ పట్టాలెక్కలంటే.. చాలా సమయం పట్టేలా ఉంది.
