J&K: జమ్మూ కశ్మీర్‌లో షాకింగ్.. డాక్టర్ లాకర్‌లో AK-47 రైఫిల్..

J&K: జమ్మూ కశ్మీర్‌లోని శ్రీనగర్‌లో షాకింగ్ ఘటన వెలుగులోకి వచ్చింది. అనంత్‌నాగ్‌కు చెందిన ప్రభుత్వ మాజీ వైద్యుడు ఆదిల్ అహ్మద్ రాథర్ లాకర్ లో AK-47 రైఫిల్ లభ్యమైంది. పోలీసులు ఈ రైఫిల్‌ను స్వాధీనం చేసుకున్నారు. అనంత్‌నాగ్‌లోని జల్గుండ్ నివాసి ఆదిల్ 2024 అక్టోబర్ 24 వరకు GMC అనంత్‌నాగ్‌లో పనిచేశాడని పోలీసులు తెలిపారు. నౌగామ్ పోలీస్ స్టేషన్‌లో FIR నంబర్ 162/2025 కింద భారత శిక్షాస్మృతి, చట్టవిరుద్ధ కార్యకలాపాల (నివారణ) చట్టం (UAPA)లోని వివిధ సెక్షన్ల కింద కేసు నమోదు చేశారు. పోలీసులు, దర్యాప్తు సంస్థలు ఈ అంశంపై తీవ్రంగా దర్యాప్తు చేస్తున్నాయి.

READ MORE: NPCIL Recruitment 2025: న్యూక్లియర్ పవర్ కార్పొరేషన్ ఆఫ్ ఇండియా లిమిటెడ్‌లో జాబ్స్.. మిస్ చేసుకోకండి

ఓ ప్రభుత్వ మాజీ వైద్యుడు ఇలాంటి ఆయుధాన్ని కలిగి ఉండటం కలకలం సృష్టించింది. నిందితుడు ఆదిల్ ఉగ్రవాద కార్యకలాపాలలో పాల్గొన్నాడని అనుమానాలు వ్యక్తమయ్యాయి. ఆదిల్ అహ్మద్ రాథర్‌ నుంచి స్వాధీనం చేసుకున్న ఆయుధాన్ని పోలీసులు సమీక్షించి, నిందితులపై కఠిన చర్యలు తీసుకోనున్నారు. AK-47 రైఫిల్ వంటి ఆయుధాలను లాకర్ వంటి సురక్షితమైన ప్రదేశాలలో ఎలా దాచారో అనే అంశంపై దర్యాప్తు ముమ్మరం చేశారు. శ్రీనగర్ పోలీసులు నిందితుడిని అదుపులోకి తీసుకుని విచారణ ప్రారంభించారు. దర్యాప్తులో డిజిటల్, భౌతిక ఆధారాలను సేకరిస్తున్నారు. ఈ ఘటనతో రాష్ట్రంలో శాంతిభద్రతల అంశంపై అనేక ప్రశ్నలను లేవనెత్తుతోంది.

READ MORE: Parliment Session : డిసెంబర్ 1 నుంచి 19 వరకు పార్లమెంట్ శీతాకాల సెషన్, కీలక బిల్లులు, చర్చలు, నిర్ణయాలు!