Aishwarya Rajinikanth :’కొలవెరి’ పాట వల్లే ఆ మూవీ ఫ్లాప్ అయ్యింది..

సూపర్ స్టార్ రజనీకాంత్ కుమార్తె అయిన ఐశ్వర్య రజనీకాంత్ ‘3’ అనే చిత్రంతో దర్శకురాలిగా పరిచయం అయ్యారు.. ఇందులో ఆమె మాజీ భర్త ధనుష్ మరియు శృతి హాసన్ హీరో హీరోయిన్లుగా నటించారు.2012లో భారీ అంచనాలతో వచ్చిన ఈ సినిమా ఫ్లాప్ అయింది. ఈ సినిమా కోసం రాక్ స్టార్ అనిరుధ్ కంపోజ్ చేసిన ‘వై దిస్ కొలవెరి’ పాట ఎంత పెద్ద హిట్టయ్యిందో ప్రత్యేకంగా చెప్పాల్సిన పనిలేదు. ప్రపంచ వ్యాప్తంగా ఈ పాట ఓ ఊపు ఊపేసింది… యూట్యూబ్ లో మిలియన్ల వ్యూస్ సాధించి సంచలనం సృష్టించింది. అయితే ఈ చార్ట్ బస్టర్ సాంగ్ సినిమా విజయానికి మాత్రం అంతగా ఉపయోగపడలేదు. ఇదే విషయంపై తాజాగా ఐశ్వర్య మాట్లాడింది.’లాల్ సలాం’ ప్రమోషన్స్ లో భాగంగా ఇచ్చిన ఓ ఇంటర్వ్యూలో ‘3’ సినిమా పరాజయంపై ఐశ్వర్యా రజనీకాంత్ స్పందించారు..

‘వై దిస్ కొలవెరి’ పాట అంత పెద్ద సక్సెస్ అవ్వడం సినిమా కంటెంట్ మీద ప్రభావం చూపించిందని ఆమె అభిప్రాయ పడింది. కంటెంట్ చాలా సీరియస్ గా సాగుతుంది.. కానీ ఈ పాట సినిమాపై భిన్నమైన అంచనాలను నెలకొల్పిందని .పాటను విన్న వారంతా డిఫరెంట్ ఎక్సపెక్టేషన్స్ తో థియేటర్స్ కు వచ్చారు. దాంతో సినిమా వాళ్ళకి నచ్చలేదు.రీ-రిలీజ్ లో ‘3’ చిత్రానికి మంచి ఆదరణ లభించడానికి కారణం అప్పటికి ఆ పాట మ్యాజిక్ తగ్గిపోవడమే అని ఆమె అభిప్రాయపడింది.అయితే ఆ సాంగ్ మ్యూజిక్ డైరెక్టర్ అనిరుధ్ కెరీర్ కు ఎంతగానో ఉపయోగపడినందుకు తాను సంతోషంగా ఉన్నానని ఆమె తెలిపింది..ఇదిలా ఉంటే ఐశ్వర్య రజనీకాంత్ దాదాపు 9 ఏళ్ల తర్వాత ‘లాల్ సలాం’ అనే చిత్రంతో ప్రేక్షకుల ముందుకి వచ్చారు. రజనీకాంత్ స్పెషల్ రోల్ లో నటించిన ఈ స్పోర్ట్స్ డ్రామాలో విష్ణు విశాల్ మరియు విక్రాంత్ ప్రధాన పాత్రలు పోషించారు. క్రికెట్ లెజెండ్ కపిల్ దేవ్ ప్రత్యేక అతిధి పాత్రలో కనిపించారు. ఫిబ్రవరి 9న విడుదలైన ఈ చిత్రానికి మిక్స్డ్ టాక్ వచ్చింది.అయితే ఈ మూవీ తమిళ్ లో మంచి వసూళ్లు రాబడుతోంది కానీ, తెలుగు ప్రేక్షకులను మాత్రం నిరాశపరిచింది..