నేటి కాలంలో దాదాపు అన్ని ప్రభుత్వ పథకాలకు ఆధార్‌ను అనుసంధానం చేశారు. ఆధార్ ఆధారిత ఫేస్ అథెంటికేషన్ లావాదేవీలు రికార్డు సృష్టిస్తోంది. అక్టోబర్ 2021లో ప్రారంభించినప్పటి నుంచి మే నెలలో ఆధార్ ఆధారిత ముఖ-ప్రామాణీకరణ ద్వారా 1.06 కోట్ల లావాదేవీలు జరిగాయి. అంటే 10.6 మిలియన్ల ఆల్-టైమ్ గరిష్ట లావాదేవీలు జరిగాయి. 10 మిలియన్ల కంటే ఎక్కువ లావాదేవీలు జరగడం ఇది వరుసగా రెండోసారి.
Read Also: CM Yogi Adityanath: గ్యాంగ్‌స్టర్ అతీక్ అహ్మద్ భూమిని పేదలకు పంచిన సీఎం యోగి ఆదిత్యనాథ్..
యునిక్ ఐడెంటిఫికేషన్ అథారిటీ ఆఫ్ ఇండియా (UIDAI) తీసుకొచ్చిన ఈ సేవలను రాష్ట్ర ప్రభుత్వ విభాగాలు, కేంద్ర ప్రభుత్వంలోని మంత్రిత్వ శాఖలు, కొన్ని బ్యాంకులతో సహా 47 సంస్థలు ఉపయోగిస్తున్నాయి. లబ్ధిదారుల ముఖాన్ని క్యాప్చర్ చేసి ప్రభుత్వాలు పలు పథకాలను అందిస్తున్నాయి. ఒక వ్యక్తి యొక్క గుర్తింపును స్థాపించడానికి ఆధార్ ముఖ-ప్రామాణీకరణ ఉపయోగపడుతుంది. స్కానర్ సహాయంతో వ్యక్తి యొక్క ముఖం లేదా కళ్ళ రెటీనా స్కాన్ చేస్తుంది. ఇది ఆధార్ డేటాబేస్‌లో నమోదు చేయబడిన మీ ముఖ డేటాతో సరిపోలుతుంది. ఆర్టిఫిషియల్ ఇంటెలిజెన్స్ మరియు మెషీన్ లెర్నింగ్ సహాయంతో ఇది వయస్సుతో ముఖంలో మార్పులను గుర్తిస్తుంది.
Read Also: Health Tips: జీలకర్రను ఇలా తీసుకుంటే చాలు.. త్వరగా బరువు తగ్గుతారు..
PM కిసాన్ పథకం, ఆయుష్మాన్ భారత్, పెన్షనర్లకు ఇంటి వద్ద డిజిటల్ లైఫ్ సర్టిఫికేట్‌లను రూపొందించడం, ప్రభుత్వ విభాగాలలో సిబ్బంది హాజరుని గుర్తించడానికి ఇలా పలు రకాలుగా ఈ ఫేస్ అథెంటికేషన్ ఉపయోగపడుతుంది. ఆంధ్రప్రదేశ్‌లో జగనన్న విద్యా దీవెన పథకం కింద విద్యార్థులకు ఆధార్ ముఖ-ప్రామాణీకరణ ద్వారా ఉన్నత విద్య ఫీజు రీయింబర్స్‌మెంట్ కూడా జరుగుతోంది. మే నెలలో UIDAI 14.86 మిలియన్ల ఆధార్‌లను అప్‌డేట్ చేసింది. అలాగే, మే నెలలో 254 మిలియన్లకు పైగా ఇ-కెవైసి లావాదేవీలు జరిగాయి. e-KYC లావాదేవీలు మొత్తం మే 2023 చివరి నాటికి 15.2 బిలియన్లు దాటాయి.
