న్యూ ఇయర్ వేళ హైదరాబాద్ లో భారీగా డ్రగ్స్ పట్టుబడ్డాయి. పదిరోజుల వ్యవధిలో ఫిలింనగర్ లో రెండోసారి డ్రగ్స్ ను స్వాధీనం చేసుకున్నారు. ఫిలింనగర్ లోని పబ్ పార్కింగ్ ఏరియాలో డ్రగ్స్ అమ్ముతున్నాడు ఓ వ్యక్తి. అతన్ని బెంగళూరుకు చెందిన క్యాప్ డ్రైవర్ బాబు కిరణ్ గా గుర్తించారు. డ్రగ్స్ అమ్ముతున్నాడనే సమాచారంతో పబ్ పార్కింగ్ వద్ద టాస్క్ ఫోర్స్ పోలీసులు పట్టుకున్నారు. అనంతరం అతన్ని అరెస్ట్ చేసి రిమాండ్ తరలించారు అధికారులు. మరోవైపు.. బాబు కిరణ్ నుంచి 20 గ్రాముల ఎండిఎంఏ డ్రగ్స్ ను స్వాధీన పరుచుకున్నారు.
Read Also: BRS Party: ఇప్పటికైనా అబద్దాలు మాని.. అభయ హస్తం హామీల అమలు గురించి ఆలోచించండి
కాగా.. పబ్ కు వచ్చే కొంత మందికి డ్రగ్స్ అమ్మినట్లుగా అధికారులు గుర్తించారు. అయితే.. డ్రగ్స్ కొనుగోలు చేసిన వారిని పట్టుకునేందుకు నాలుగు బృందాలు రంగంలోకి దిగాయి. గత కొంతకాలం నుంచి పబ్ పార్కింగ్ ఏరియాలో డ్రగ్ అమ్ముతున్నాడు బాబు కిరణ్. మరోవైపు ఈ ఘటనపై పోలీసులు దర్యాప్తు చేపట్టారు. బాబుకిరణ్ ఎక్కడి నుంచి డ్రగ్స్ తీసుకొస్తున్నాడు.. ఎంతకాలంగా డ్రగ్స్ బిజినెస్ జరుపుతున్నాడని పోలీసులు దర్యాప్తు చేస్తున్నారు. ప్రస్తుతానికి పోలీసుల అదుపులో బాబు కిరణ్ ఉన్నాడు.
Read Also: Pawan Kalyan: కాకినాడపై స్పెషల్ ఫోకస్‌.. పవన్‌ కల్యాణ్‌ పర్యటన పొడిగింపు
ఇదిలా ఉంటే.. 10 రోజుల క్రితం ఎస్సార్ నగర్ లో భారీ డ్రగ్ ముఠాను పోలీసులు అరెస్ట్ చేశారు. మొత్తం 33 మందిని పోలీసులు అదుపులోకి తీసుకున్నారు. కాగా.. డ్రగ్స్ ను పట్టుకునేందుకు పోలీసులు స్పెషల్ డ్రైవ్ లు నిర్వహిస్తున్నారు. అందులో భాగంగానే పెద్ద ఎత్తున డ్రగ్స్ ముఠాలు బయటపడుతున్నాయి.
