Fight Leopard: చిరుతపులితో ఫైట్ చేసిన జర్నలిస్ట్.. వీడియో వైరల్

చిరుత పులి తోక క‌న‌ప‌డితేనే ప్రాణాలు అర‌ చేతిలో పెట్టుకుని పరుగులు తీస్తాం.. అలాంటిది, చిరుత‌పులితో పోరాటం అంటే మాట‌ల్లో చెప్పలేం.. ఇలా చిరుత పులితో తలపడటం కొన్ని సినిమాల్లో మాత్రమే చూసి ఉంటాం.. కానీ, రాజ‌స్థాన్‌ రాష్ట్రంలో ఓ జర్నలిస్ట్ చిరుతతో ఫైట్ చేశారు. అయితే, వివ‌రాల్లోకి వెళ్తే.. రాజస్థాన్ లోని దుంగార్‌పుర్ భ‌ద‌ర్ మెట్వాల గ్రామంలోకి చిరుత పులి రావటంతో ఆ చిరుతను జనాలు తరిమికొట్టేందుకు ప్రయత్నం చేశారు.

Read Also: Garlic : మార్కెట్లో నకిలీ వెల్లుల్లి.. అక్రమ రవాణాలో చైనా హాషీష్, నల్లమందుతో పోటీ

అయితే, గ్రామ‌స్తులు రాళ్లు రువ్వుతు చిరుత‌ పులిని బెదిరించారు. ఇక, అక్కడే ఓ వార్తను కవరేజ్ చేసేందుకు వచ్చిన జర్నలిస్ట్ గున్వంత్ క‌లాల్ పై చిరుత దాడి చేసేందుకు ప్రయత్నం చేసింది. అతడి కాలును నోటితో కరిచి పట్టుకోవడంతో అతడు ధైర్యంగా పోరాడి చిరుతను గట్టిగా పట్టేసుకున్నాడు. దాని ద‌వ‌డ‌, మెడ‌ను గ‌ట్టిగా పట్టుకుని.. ఆ తర్వాత చిరుత పులిని బంధించి అటవీ శాఖ అధికారులకు సమాచారం అందించారు. దీనికి సంబంధించిన వీడియో సోషల్ మీడియాలో వైరల్ అవుతుంది. ఆ జర్నలిస్ట్ చిరుత పులితో ఫైట్ చేయడంపై నెటిజన్స్ వెరైటీగా కామెంట్స్ చేస్తున్నారు.