IND vs SA: సౌతాఫ్రికా ముందు భారీ లక్ష్యం.. సెంచరీతో అదరగొట్టిన కింగ్ కోహ్లీ
IND vs SA: సౌతాఫ్రికాతో జరిగిన మ్యాచ్లో టీమిండియా భారీ స్కోరు చేసింది. భారత్ నిర్ణీత 50 ఓవర్లలో 5 వికెట్లు కోల్పోయి 326 పరుగులు చేసింది. ఈ మ్యాచ్ లో కింగ్ విరాట్ కోహ్లీ (101) సెంచరీతో చెలరేగాడు. తన బర్త్ డే రోజు సెంచరీ సాధించడంతో అభిమానులు చాలా ఎంజాయ్ చేస్తున్నారు. ఇదిలా ఉంటే.. ఈ మ్యాచ్ లో టాస్ గెలిచిన టీమిండియా ముుందుగా బ్యాటింగ్ ఎంచుకుంది.
Read Also: Virat Kohli: బర్త్ డే రోజే వరల్డ్ రికార్డు.. 49వ సెంచరీ చేసిన కోహ్లీ
ఈ క్రమంలో బ్యాటింగ్ కు దిగిన టీమిండియా ఓపెనర్లు శుభారంభాన్ని అందించారు. కెప్టెన్ రోహిత్ శర్మ (40), శుభ్ మాన్ గిల్ (23) పరుగులు చేసి ఔటయ్యారు. ఆ తర్వాత క్రీజులోకి దిగిన విరాట్ కోహ్లీ 121 బంతుల్లో 10 ఫోర్ల సాయంతో 101 పరుగులు చేశాడు. శ్రేయాస్ అయ్యర్ కూడా మంచి ఇన్నింగ్స్ ఆడాడు. కోహ్లీ-అయ్యర్ మధ్య మంచి భాగస్వామ్యం ఏర్పడింది. అయ్యర్ 87 బంతుల్లో 77 పరుగులు చేసి పెవిలియన్ బాటపట్టాడు. కేఎల్ రాహుల్ (8), సూర్యకుమార్ యాదవ్ (22), జడేజా (29) పరుగులు చేశారు.
Read Also: World Cup 2023: కోల్కతాలో బ్లాక్లో టిక్కెట్ల అమ్మకాలు.. బీసీసీఐకి పోలీసులు నోటీసులు జారీ
ఇక సౌతాఫ్రికా బౌలర్లలో మార్కో జన్ సన్ అత్యధికంగా పరుగులు ఇచ్చాడు. 9.4 ఓవర్లు వేసి 94 పరుగులిచ్చి ఒక వికెట్ తీశాడు. ఇక ఆ తర్వాత లుంగి ఎంగిడి, కగిసో రబాడా, కేశవ్ మహరాజ్, షంసీ తలో వికెట్ తీశారు. మరోవైపు భారత్-దక్షిణాఫ్రికా జట్లు సెమీఫైనల్కు అర్హత సాధించాయి. 7 మ్యాచ్లు ఆడిన భారత జట్టు 14 పాయింట్లతో అగ్రస్థానంలో ఉంది. దక్షిణాఫ్రికా 7 మ్యాచ్ల్లో 12 పాయింట్లతో రెండో స్థానంలో ఉంది.