Ferry Fire: ఫెర్రీలో చెలరేగిన మంటలు.. 12 మంది మృతి, ఏడుగురు మిస్సింగ్

Ferry Fire: దక్షిణ ఫిలిప్పీన్స్‌లో ఫెర్రీలో మంటలు చెలరేగడంతో కనీసం 12 మంది ప్రాణాలు కోల్పోయారు. 230 మందిని రక్షించినట్లు అధికారులు గురువారం తెలిపారు. లేడీ మేరీ జాయ్ 3 మిండానావో ద్వీపంలోని జాంబోంగా సిటీ నుంచి సులు ప్రావిన్స్‌లోని జోలో ద్వీపానికి వెళుతుండగా బుధవారం ఫెర్రీ బోటులో మంటలు చెలరేగడంతో ప్రయాణికులు పైనుంచి దూకినట్లు విపత్తు అధికారి నిక్సన్ అలోంజో తెలిపారు. బాసిలాన్ ప్రావిన్స్‌లోని బలుక్-బలుక్ ద్వీపం వద్ద ఫెర్రీలో మంటలు చెలరేగడంతో ఫిలిప్పీన్ కోస్ట్ గార్డ్, మత్స్యకారులతో సహా రక్షకులు 195 మంది ప్రయాణికులు, 35 మంది సిబ్బందిని రక్షించారు. ఈ ఘటనలో పద్నాలుగు మంది గాయపడగా.. ఏడుగురు మిస్సయ్యారు.

ఫెర్రీలో జాబితా చేయబడిన 205 మందిని మించి ప్రయాణికుల సంఖ్య ఎక్కువగా ఉన్నందున చాలా మంది తప్పిపోయి ఉండొచ్చని బాసిలన్ గవర్నర్ జిమ్ సల్లిమాన్ తెలిపారు. మృతి చెందిన వారిలో ముగ్గురు పిల్లలు, ఆరు నెలల పాపతో సహా పన్నెండు మంది మృతదేహాలను వెలికి తీశారని ఆయన వెల్లడించారు. మంటలు ఎలా చెలరేగాయి అనేది స్పష్టంగా తెలియరాలేదు.

Read Also: Clash: రామాలయం బయట యువకుల మధ్య హింసాత్మక ఘర్షణ.. పోలీసు వాహనాలకు నిప్పు

ప్రాణాలతో బయటపడిన వారిని జాంబోంగా, బాసిలన్‌లకు తీసుకెళ్లారు, అక్కడ గాయపడిన వారు కాలిన గాయాలకు చికిత్స పొందారని సల్లిమాన్ చెప్పారు.కోస్ట్ గార్డు విడుదల చేసిన ఫోటోలు దాని నౌకల్లో ఒకటి కాలిపోతున్న ఫెర్రీపై నీటిని చల్లడం చూపించింది. చిన్న పడవలలో ప్రయాణికులను తరలించారు. ఫిలిప్పీన్స్ 7,000 కంటే ఎక్కువ ద్వీపాలతో కూడిన ద్వీపసమూహం. పేలవమైన సముద్ర రవాణాతో బాధపడుతోంది. పడవల్లో రద్దీ కారణంగా ప్రమాదాలకు గురయ్యే అవకాశం ఉంది.