TVK Vijay: తమిళనాడులో సినీ హీరో విజయ్ రాజకీయ పార్టీ ఏర్పాటు చేసినప్పడి నుంచి.. పొత్తులపై రకరకాల ప్రచారాలు సాగుతూనే ఉన్నాయి.. ఇక, కేంద్ర ఎన్నికల సంఘం తమిళనాడు ఎన్నికల తేదీలను కూడా ప్రకటించడంతో.. పొత్తుల వ్యవహారం మరింత హాట్ టాపిక్గా మారిపోయింది.. విజయ్ పార్టీకి చెందిన కీలక నేతలు.. ఓ వైపు భారతీయ జనతా పార్టీ నేతలతో చర్చలు జరుపుతున్నారని.. ఇన్ని సీట్లు, డిప్యూటీ సీఎం పోస్ట్.. టీవీకేకు ఇచ్చేందుకు బీజేపీ గ్రీన్ సిగ్నల్ ఇచ్చిందనే వార్తలు కూడా హల్ చల్ చేస్తున్నాయి.. మరోవైపు.. డీఎంకేతోనూ చర్చలు సాగుతున్నాయనే లీక్లు వస్తున్నాయి..
Read Also: PM Modi: కువైట్ యువరాజు ఖాలిద్కు మోడీ ఫోన్.. ఏం సంభాషించారంటే..!
ఈ నేపథ్యంలో.. పొత్తులపై టీవీకే అధినేత విజయ్ కీలకమైన వ్యాఖ్యలు చేశారు. నేను ఎవరితోనూ పొత్తు పెట్టుకోను అని స్పష్టం చేశారు.. ముఖ్యంగా ఎన్టీఏ కూటమిలోకి వెళ్లే ప్రసక్తే లేదు” అని విజయ్ కుండబద్దలు కొట్టారు.. మరోవైపు.. నన్ను అణిచివేయాలని కుట్రలు చేస్తున్నారు అని కూడా విజయ్ ఆవేదన వ్యక్తం చేశారు.. ఇక, తమిళనాడులో టీవీకే ప్రభుత్వం ఏర్పాటు చేస్తుందనే నమ్మకాన్ని వ్యక్తం చేశారు టీవీకే అధినేత విజయ్..
కాగా, టీవీకే-బీజేపీ పొత్తుల కోసం సినీ నటి త్రిష రంగంలోకి దిగిందని.. ఏకంగా కేంద్ర హోంశాఖ మంత్రి అమిత్షాతోనూ చర్చలు జరిపినట్టు కూడా సోషల్ మీడియాలో కొంత ప్రచారం సాగుతోన్న విషయం విదితమే.. మరోవైపు.. విజయ్కు ఒక జాతీయ పార్టీ సీఎం పదవి ఆఫర్ చేసిందని టీవీకే నేత అధవ్ అర్జున సంచలన వ్యాఖ్యలు చేశారు.. అయితే, ఈ ఆఫర్ను విజయ్ తిరస్కరించినట్లు అర్జున తెలిపారు. తమిళ రాజకీయాల్లో విజయ్ ప్రభావం స్పష్టంగా ఉంటుందని.. అందుకే విజయ్ను తమ వైపు తిప్పుకొనేందుకు జాతీయ పార్టీలైన కాంగ్రెస్, బీజేపీ ప్రయత్నిస్తున్నాయనే ప్రచారం కూడా సాగుతోంది.. అయితే, 234 అసెంబ్లీ సీట్లు ఉన్న తమిళనాట ఏప్రిల్ 23న పోలింగ్ జరగనుండగా.. మే 4న ఫలితాలు వెలువడనున్నాయి..
