Vande Bharat Sleeper Update: విమానం కంటే లగ్జరీ.. వందే భారత్ స్లీపర్ అరాచకం అంతే.!

భారతీయ రైల్వేలు ప్రస్తుతం ఆధునికీకరణ దిశగా శరవేగంగా అడుగులు వేస్తున్నాయి. గడిచిన కొన్నేళ్లుగా వందే భారత్ ఎక్స్‌ప్రెస్ రైళ్లు దేశీయ రవాణా వ్యవస్థలో సరికొత్త సంచలనాన్ని సృష్టించిన సంగతి తెలిసిందే. అయితే ఇప్పటివరకు ఇవి కేవలం సీటింగ్ (Chair Car) సౌకర్యానికే పరిమితం కావడంతో, సుదూర ప్రాంతాలకు ప్రయాణించే వారికి కొంత ఇబ్బందిగా ఉండేది. ఈ లోటును భర్తీ చేస్తూ, ప్రయాణికులకు విమాన ప్రయాణానికి మించిన సౌకర్యాన్ని అందించేందుకు భారతీయ రైల్వే శాఖ ‘వందే భారత్ స్లీపర్’ (Vande Bharat Sleeper) రైళ్లను రూపొందిస్తోంది. ముఖ్యంగా అత్యధిక రద్దీ ఉండే రూట్లలో ప్రయాణికుల వెయిటింగ్ లిస్ట్ సమస్యకు శాశ్వత పరిష్కారం చూపేలా, ఏకంగా 24 కోచ్‌లతో కూడిన భారీ రైళ్లను పట్టాలెక్కించేందుకు ప్రణాళికలు సిద్ధమయ్యాయి.

సాధారణంగా నడిచే వందే భారత్ రైళ్లతో పోలిస్తే ఈ స్లీపర్ వెర్షన్ పరిమాణం , సామర్థ్యం చాలా ఎక్కువగా ఉండనుంది. ప్రస్తుతం ఉన్న 16 కోచ్‌ల రైళ్లలో 823 బెర్త్‌లు మాత్రమే అందుబాటులో ఉండగా, కొత్తగా తీసుకువస్తున్న 24 కోచ్‌ల వెర్షన్‌లో ఏకంగా 1,224 బెర్త్‌లను ఏర్పాటు చేస్తున్నారు. అంటే దాదాపు 400 మందికి పైగా అదనపు ప్రయాణికులు ఒకే సమయంలో ప్రయాణించే వీలుంటుంది. ఈ 24 కోచ్‌లలో 17 ఏసీ త్రీ-టైర్, 5 ఏసీ టూ-టైర్, , 1 ఏసీ ఫస్ట్ క్లాస్ కోచ్‌లను అమర్చనున్నారు. దీనివల్ల మధ్యతరగతి నుంచి ఉన్నత వర్గాల వరకు అందరికీ తమ బడ్జెట్‌కు తగ్గట్టుగా బెర్త్‌లను ఎంచుకునే అవకాశం లభిస్తుంది. అలాగే సుదీర్ఘ ప్రయాణాల్లో ప్రయాణికులకు రుచికరమైన భోజనం అందించడానికి ప్రత్యేకంగా ఒక ఏసీ ప్యాంట్రీ కార్‌ను కూడా ఈ రైలుకు జత చేస్తున్నారు.

Mood of the Nation survey 2026: ఇప్పటికి ఇప్పుడు ఎన్నికలు జరిగితే కేంద్రంలో ఎవరిది అధికారం..? ఆసక్తికరంగా సర్వే ఫలితాలు..

వేగం , భద్రత విషయంలో రాజీ పడకుండా ఈ రైళ్లను తీర్చిదిద్దుతున్నారు. గంటకు గరిష్టంగా 160 కిలోమీటర్ల వేగంతో ప్రయాణించగల ఈ రైళ్లు, ప్రయాణ సమయాన్ని గణనీయంగా తగ్గిస్తాయి. భద్రత విషయానికి వస్తే, దేశీయంగా అభివృద్ధి చేసిన ‘కవచ్’ (Kavach) వ్యవస్థను ఇందులో అమర్చారు. ఇది ఒకే ట్రాక్‌పై పొరపాటున రెండు రైళ్లు ఎదురెదురుగా వచ్చినా గుర్తించి, ఆటోమేటిక్‌గా బ్రేకులు వేసి ప్రమాదాలను నివారిస్తుంది. అంతేకాకుండా, రైలు వేగంగా వెళ్తున్నప్పుడు ప్రయాణికులకు కుదుపులు తెలియకుండా ఉండేందుకు ‘ఎయిర్ స్ప్రింగ్ సస్పెన్షన్’ సాంకేతికతను వాడుతున్నారు. దీనివల్ల ప్రయాణం ఎంతో సాఫీగా, నిశ్శబ్దంగా సాగిపోతుంది.

వందే భారత్ స్లీపర్ రైలు లోపలికి ప్రవేశించగానే ఒక లగ్జరీ హోటల్ లేదా విమానంలో ఉన్నామన్న అనుభూతి కలుగుతుంది. ప్రతి బెర్త్ వద్ద ఎర్గోనామిక్ డిజైన్‌ను ఉపయోగించారు, తద్వారా పడుకున్నప్పుడు ప్రయాణికులకు అత్యంత సౌకర్యంగా ఉంటుంది. ప్రతి బెర్త్‌కు విడివిడిగా రీడింగ్ లైట్లు, మొబైల్ ఫోన్లు , ల్యాప్‌టాప్‌లు ఛార్జింగ్ చేసుకోవడానికి పాయింట్లు కేటాయించారు. పరిశుభ్రతకు పెద్దపీట వేస్తూ వ్యాక్యూమ్ అసిస్టెడ్ టాయిలెట్లను ఏర్పాటు చేశారు. ప్రయాణికుల వినోదం కోసం వైఫై ఆధారిత ఇన్ఫోటైన్‌మెంట్ సిస్టమ్‌ను కూడా అందుబాటులోకి తెస్తున్నారు. ఇక దివ్యాంగుల కోసం ప్రత్యేకంగా వీల్ చైర్ ర్యాంప్‌లు, వారికి అనుకూలమైన టాయిలెట్ల సౌకర్యం ఉండటం ఈ రైలు ప్రత్యేకత.

చెన్నైలోని ఇంటిగ్రల్ కోచ్ ఫ్యాక్టరీ (ICF) ఈ అద్భుతమైన రైళ్లను తయారు చేసే బాధ్యతను చేపట్టింది. ప్రస్తుతం డిజైన్ , ఇంజనీరింగ్ పనులు తుది దశకు చేరుకున్నాయి. అధికారిక సమాచారం ప్రకారం, 2026 నాటికి ఈ 24 కోచ్‌ల రైలు నమూనా సిద్ధమవుతుంది , అదే ఏడాది చివరి నాటికి ఇది ప్రజలకు అందుబాటులోకి వచ్చే అవకాశం ఉంది. వందే భారత్ స్లీపర్ రైళ్లు అందుబాటులోకి వస్తే దేశంలోని ప్రధాన నగరాల మధ్య ప్రయాణం మరింత వేగవంతం అవడమే కాకుండా, భారతీయ రైల్వే చరిత్రలో ఇది ఒక మైలురాయిగా నిలిచిపోతుంది.

Medigadda Red Alert : మేడిగడ్డ బ్యారేజ్‌కు కేంద్రం రెడ్‌ అలర్ట్‌..