Love affair with girl.. Suspicious death of a young man: వేరే మతానికి చెందిన అమ్మాయితో సంబంధం పెట్టుకున్నాడు. కట్ చేస్తే చెట్టుకు వేలాడుతూ కనిపించాడు యువకుడు. అయితే ఇది హత్యే అని యువకుడి తల్లిదండ్రులు ఆరోపిస్తున్నారు. ఈ ఘటన ఉత్తర్ ప్రదేశ్ లోని బరేలీలో జరిగింది. ప్రేమ వ్యవహారం నేపథ్యంలోనే తమ కొడుకును హత్య చేశారని తల్లిదండ్రులు ఆరోపిస్తున్నారు. శనివారం బరేలీలో ఓ చెట్టుకు యువకుడి మృతదేహం వేలాడటం తీవ్ర ఉద్రిక్తతలకు దారి తీసింది.
మృతుడు సునీల్ కుమార్, ముస్లిం మతానికి చెందిన అమ్మాయిని ప్రేమిస్తున్నాడు. అయితే సునీల్ కుమార్ ను అమ్మాయి తరుపు బంధువులే హత్య చేశారని కుటుంబ సభ్యులు ఆరోపిస్తున్నారు. చంపిన తర్వాత ఉరేసుకుని ఆత్మహత్య చేసుకున్నాడని చిత్రీకరిస్తున్నట్లు ఆరోపించారు. ముస్లిం వర్గానికి చెందిన అమ్మాయిని ప్రేమిస్తుండటంతో ఇరు కుటుంబాల మధ్య ఉద్రిక్తతలు చోటు చేసుకున్నాయి.
Read Also: CM Nitish Kumar: వచ్చే ఎన్నికల్లో బీజేపీ 50 సీట్లకే పరిమితం అవుతుంది.
అయితే ప్రేమికులు ఇద్దరు మరోసారి కలుసుకోరని.. ఇరు కుటుంబాల మధ్య ఒప్పందం కుదిరింది. ఇది జరిగిన కొన్ని నెలల తర్వాత సునీల్ కుమార్ చనిపోయి కనిపించాడు. హత్యపై పోలీసులు విచారణ ప్రారంభించారు. సునీల్ కుమార్ తండ్రి.. అదే గ్రామానికి చెందిన ఫజల్, యాసిన్, అబ్రార్ అహ్మద్, సర్ఫరాజ్ అహ్మద్ పై ఫిర్యాదు చేశారు. ఇదిలా ఉంటే మృతుడు సునీల్ కుమార్, అతని ప్రేయసికి సంబంధించిన కొన్ని అభ్యంతరకర చిత్రాలు సోషల్ మీడియాలో లీక్ అయ్యాయి. ఇది రెండు వర్గాల మధ్య ఉద్రిక్తతలను పెంచింది. ఈ కేసులో అనుమానితులను అదుపలోకి తీసుకున్నామని.. విచారణ జరుపుతున్నట్లు ఎస్పీ రాజ్ కుమార్ వెల్లడించారు.