మహారాష్ట్ర శివసేన యూబీటీ నాయకుడు, మాజీ సీఎం ఉద్ధవ్ ఠాక్రే, కుమారుడు ఆదిత్య ఠాక్రే ఢిల్లీలో పర్యటిస్తున్నారు. మూడు రోజుల పర్యటన కోసం ఢిల్లీ వెళ్లారు. పర్యటనలో భాగంగా బుధవారం కాంగ్రెస్ అధ్యక్షుడు మల్లిఖార్జున ఖర్గేతో సమావేశం అయ్యారు. ఈ భేటీలో మహారాష్ట్ర అసెంబ్లీ ఎన్నికలపై చర్చిస్తున్నారు. ఇండియా కూటమిలో భాగమైన శివసేన యూబీటీ.. పొత్తు, సీట్ల పంపకాలపై చర్చిస్తున్నారు.
ఇది కూడా చదవండి: Poonam Kaur: కేరళ రాకుమారి కాళ్ళ వద్ద పూనమ్ కౌర్.. ఫొటో వైరల్
గత లోక్‌సభ ఎన్నికల్లో మహారాష్ట్రలో ఇండియా కూటమి మెరుగైన ఫలితాలను సాధించింది. ఇదే ఊపు మహారాష్ట్ర అసెంబ్లీ ఎన్నికల్లో కొనసాగించాలని కూటమి భావిస్తోంది. ఈ నేపథ్యంలో ఉద్ధవ్ ఠాక్రే ఢిల్లీలో పర్యటిస్తున్నారు. పొత్తు, సీట్ల పంపకాలపై సోనియా, రాహుల్, మల్లిఖార్జున ఖర్గేతో చర్చించనున్నారు. అక్టోబర్‌లోనే మహారాష్ట్ర అసెంబ్లీ ఎన్నికలు జరగనున్నాయి. ఈ నేపథ్యంలో ఇండియా కూటమి అధికారంలోకి రావాలని సన్నద్ధం అవుతోంది. అలాగే ఎన్డీఏ కూటమి కూడా వ్యూహాలు రచిస్తోంది. ఇదిలా ఉంటే ఇండియా కూటమిలో భాగమైన ఆమ్ ఆద్మీ పార్టీ మాత్రం మహారాష్ట్రలో ఒంటరిగా పోటీ చేయాలని ప్రకటించింది.
ఇది కూడా చదవండి: Putin: ఇజ్రాయెల్ విషయంలో ఇరాన్‌కు రష్యా అధ్యక్షుడు పుతిన్ కీలక సూచన