Tamil Nadu: విజయ్ ప్రమాణ స్వీకార వేడుకకు రాహుల్ గాంధీకి ఆహ్వానం.

Tamil Nadu: తమిళనాడులో సంచలన విజయం సాధించిన స్టార్ యాక్టర్ విజయ్, సీఎంగా ప్రమాణస్వీకారం చేపట్టడానికి సిద్ధమయ్యారు. బుధవారం ప్రభుత్వం ఏర్పాటుకు అనుమతి కోరుతూ ఆయన గవర్నర్‌ రాజేంద్ర విశ్వనాథ్ అర్లేకర్‌ను లోక్ భవన్‌ను కలిశారు. ఇదిలా ఉంటే మొత్తం 243 సీట్లకు గానూ 108 సీట్లను విజయ్‌కు చెందిన టీవీకే గెలుచుకుంది. మ్యాజిక్ ఫిగర్ 118కి మరో 10 మంది ఎమ్మెల్యేలు తక్కువ కావడంతో, కాంగ్రెస్ విజయ్‌కు మద్దతు ఇస్తామంటూ ముందుకు వచ్చింది. కాంగ్రెస్‌కు తమిళనాడులో ఐదుగురు ఎమ్మెల్యేలు ఉన్నారు. వీరంతా టీవీకే కూటమిలో చేరుతున్నట్లు అధికారికంగా ప్రకటించారు.

Read Also: Bangladesh: బెంగాల్‌లో బీజేపీ గెలుపుతో సంతోషంలో బంగ్లాదేశ్ ప్రధాని.. కారణం ఇదే..

ఇదిలా ఉంటే, విజయ్ ప్రమాణస్వీకారం మే 07న ప్రమాణస్వీకారం ఉన్నట్లు తెలుస్తోంది. చెన్నై నెహ్రూ స్టేడియంలో అన్ని ఏర్పాట్లు చకచకా జరుగుతున్నాయి. ఇదిలా ఉంటే, విజయ్ ప్రమాణస్వీకార కార్యక్రమానికి కాంగ్రెస్ నేత రాహుల్ గాంధీకి ఆహ్వానం అందినట్లు తెలుస్తోంది.ఈ కార్యక్రమానికి రావాల్సిందిగా తమిళనాడు కాంగ్రెస్ నుంచి రాహుల్ గాంధీకి ఆహ్వానం అందిందని సంబంధిత వర్గాలు చెబుతున్నాయి. మరోవైపు, టీవీకేకు మద్దతు ఇచ్చేందుకు డీఎంకే, అన్నాడీఎంకేకు చెందిన కొందరు ఎమ్యెల్యేలు కూడా ముందుకు వచ్చినట్లు వార్తలు వస్తున్నాయి.