Tamil Nadu Election Results: సనాతన ధర్మాన్ని నిర్మూలిస్తారా..? డీఎంకే చావుదెబ్బ కొట్టిన హిందువులు..

Tamil Nadu Election Results: మతం, ఇది రాజకీయాలను ఎలా ప్రభావితం చేస్తుందనే దానికి డీఎంకే ఓటమి ఒక ఉదాహరణ. రాజకీయ నాయకులు మేం ఏది మాట్లాడిన చెల్లుతుందని అనుకుంటే పొరపాటే. హిందూ మతంపై ఉదయనిధి స్టాలిన్ తో సహా పలువురు డీఎంకే మంత్రులు, నేతలు అవాకులు చెవాకులు పెలారు. ఇప్పుడు ఫలితాన్ని అనుభవిస్తున్నారు. ఉదయనిధి స్టాలిన్ ఏకంగా ‘‘సనాతన ధర్మాన్ని’’ నిర్మూలిస్తాం అంటూ స్టేట్‌మెంట్ ఇవ్వడం దేశవ్యాప్తంగా తీవ్ర వివాదాస్పదం అయింది.

Read Also: Actor Vijay TVK Promises: తమిళనాడులో టీవీకే తుఫాన్.. బలమైన ఆరంభానికి నటుడు విజయ్ 7 అద్భుతమైన హామీలు

ఇదే కాకుండా తిరుప్పరకుండ్రం సుబ్రమణ్య స్వామి కొండ వివాదం కూడా డీఎంకేను హిందువుల దృష్టిలో విలన్‌గా మార్చింది. కుమారస్వామి కొండపై దీపం వెలిగించేందుకు హైకోర్టు అనుమతి ఇచ్చినా, ప్రభుత్వం మాత్రం అందుకు ససేమిరా అంటూ, మైనారిటీ సంతుష్టీకరణకు పాల్పడింది. అప్పటి నుంచే హిందువుల దృష్టిలో విలన్‌గా మారింది. ద్రవిడ మోడల్, డెవలప్‌మెంట్ నమూనా అంటూ డీఎంకే ఊదరగొట్టినా చివరకు ఘోర ఓటమి దిశగా వెళ్తోంది.

తమిళనాడు ఎన్నికల్లో సంచలన ఫలితాలు వెలువడుతున్నాయి. సినీ స్టార్ విజయ్‌కు చెందిన టీవీకే పార్టీ సంచలన విజయం దిశగా దూసుకెళ్తోంది. 234 స్థానాలు ఉన్న తమిళనాడు అసెంబ్లీలో మ్యాజిక్ ఫిగర్ 118. అయితే, ప్రస్తుతం టీవీకే 106, అన్నాడీఎంకే 78, డీఎంకే 48 సీట్లలో ఆధిక్యంలో కొనసాగుతున్నాయి. అధికారంలో ఉన్న డీఎంకే ఘోరం దెబ్బతింది. సీఎం స్టాలిన్ కొలత్తూర్ నియోజకవర్గం నుంచి వెనుకంజలో ఉన్నారు. డిప్యూటీ సీఎం ఉదయనిధి స్టాలిన్ చెపాక్ నుంచి ఓటమి దిశగా ఉన్నారు. ఏకంగా 20కి పైగా మంత్రులు ఓటమి అంచున ఉన్నారు.