Shahrukh Khan: లేడీ గెటప్లో షారుఖ్.. స్ట్రాంగ్ కౌంటరిచ్చిన కింగ్ ఖాన్
- Follow Us :
-
-
Add as a preferred
source on google
Shahrukh Khan Gives A Strong Counter To User Who Shared Old Pic Of Him In Lady Getup: స్టార్ హీరోలకు అభిమానులతో పాటు యాంటీ ఫ్యాన్స్ కూడా ఉంటారన్న సంగతి తెలిసిందే! ఈ యాంటీ ఫ్యాన్స్ ఎప్పుడూ హీరోలను డీగ్రేడ్ చేయడానికి ప్రయత్నిస్తుంటారు. అసభ్యకరమైన పదజాలంతో దూషిస్తూ.. సోషల్ మీడియాలో రెచ్చిపోతుంటారు. ఆయా హీరోలు ఏదో ఒక విషయంపై వార్తల్లోకెక్కినప్పుడు, లేదా వారి సినిమా రిలీజ్ అయినప్పుడు.. ఈ యాంటీ ఫ్యాన్స్ వెంటనే రంగంలోకి దిగిపోయి, ట్రోల్ చేయడం మొదలుపెడతారు. ఒకవేళ ట్రోల్ చేయడానికి తమ వద్ద సరైన కారణం లేకపోతే.. గత విషయాల్ని తిరిగి తెరమీదకి తీసుకొస్తారు. ఎలాగోలా డీగ్రేడ్ చేయాలని కంకణం కట్టుకుంటారు. ఇప్పుడు ఓ నెటిజన్ కూడా అలాంటి పనికే పాల్పడ్డాడు. బాలీవుడ్ బాద్షా షారుఖ్ ఖాన్ని కించపరిచాలని అనుకున్నాడు. కానీ, రివర్స్లో అతనికే పెద్ద పంచ్ పడింది. షారుఖ్ అతని దిమ్మతిరిగి పోయేలా స్ట్రాంగ్ కౌంటర్ ఇచ్చాడు.
Ashok Khemka: 8 నిమిషాల పని.. 40 లక్షల జీతం.. వద్దంటోన్న ఐఏఎస్ ఆఫీసర్
ఇంతకీ ఆ నెటిజన్ ఏం చేశాడంటే.. గతంలో ఓ ఈవెంట్లో లేడీ గెటప్ వేసిన షారుఖ్ ఫోటోని సోషల్ మీడియాలో షేర్ చేశాడు. ఆ ఫోటోకి ‘అత్యంత ప్రాణాంతకమైన మహిళ’ అనే క్యాప్షన్ జోడించి.. షారుఖ్ పేరుని ట్యాగ్ చేశారు. ఇది గమనించిన షారుఖ్.. ఆ వెంటనే తనదైన శైలిలో సెటైరికల్ రిప్లై ఇచ్చాడు. ‘‘ఆ ఫోటోలో ఉన్నంత ప్రాణాంతకమైన మహిళ కాదు. అందులో లేడీ గెటప్లో ఉన్నది నేనే. నేను అన్నీ అవతారాల్లోనూ చాలా ఎట్రాక్టివ్గా ఉంటానన్న విషయం నాకు తెలుసు. కానీ.. ఆ కళను ఎలా గుర్తించాలో నేర్చుకో’’ అంటూ సమాధానం ఇచ్చాడు. ఈ దెబ్బకు ఆ నెటిజన్ నుంచి మరో రిప్లై రాలేదు. మరోవైపు.. షారుఖ్ కోపగించుకోకుండా, చాలా హుందాగా ఈ రిప్లై ఇవ్వడాన్ని చూసి నెటిజన్లు మెచ్చుకుంటున్నారు. కౌంటర్లు ఎలా ఇవ్వాలో షారుఖ్ని చూసి నేర్చుకోవాలంటూ కితాబిస్తున్నారు. కాగా.. షారుఖ్ ఖాన్ ప్రధానపాత్రలో రూపొందిన ‘పఠాన్’ సినిమా ఈరోజు (25-01-23) గ్రాండ్గా విడుదలైంది. ఈ చిత్రానికి క్రిటిక్స్ సహా అన్ని వర్గాల నుంచి పాజిటివ్ రెస్పాన్స్ వస్తోంది.
Twitter: ఎలాన్ మస్క్కి ఊహించని షాక్.. ట్విటర్పై విజిల్ బ్లోయర్ బాంబ్