PM Modi: రేపు బెంగళూరులో మోడీ పర్యటన.. పలు అభివృద్ధి కార్యక్రమాలు ప్రారంభం
- రేపు బెంగళూరులో మోడీ పర్యటన
- పలు అభివృద్ధి కార్యక్రమాలు ప్రారంభం
ప్రధాని మోడీ ఆదివారం బెంగళూరులో పర్యటించనున్నారు. పర్యటనలో భాగంగా పలు అభివృద్ధి కార్యక్రమాలను ప్రారంభించనున్నారు. నాలుగు గంటల పాటు బెంగళూరులో ఉండనున్నారు. ఉదయం 10:30 గంటలకు ఎయిర్పోర్టుకు రానున్నారు. అక్కడ నుంచి హెలికాప్టర్లో రోడ్డు మార్గం ద్వారా కేఎస్ఆర్ బెంగళూరు రైల్వేస్టేషన్కు చేరుకుంటారు. మూడు వందే భారత్ ఎక్స్ప్రెస్ రైళ్లను జెండా ఊపి ప్రారంభించనున్నారు.
ఇది కూడా చదవండి: Rakshabandhan: బాలకృష్ణకు రాఖీ కట్టిన సోదరి పురందేశ్వరి.. వైరల్ వీడియో
కేఎస్ఆర్ బెంగళూరు-బెళగావి, అమృత్సర్-శ్రీ మాతా వైష్ణో దేవి కత్రి, అజ్ని (నాగ్పూర్)-పుణే రైళ్లను ప్రారంభించనున్నారు. అనంతరం రాగిగుడ్డ మెట్రో స్టేషన్కు మోడీ రోడ్డు మార్గంలో ప్రయాణించనున్నారు. ఉదయం 11:45 నుంచి మధ్యాహ్నం 12:50 గంటల మధ్య రాగిగుడ్డ నుంచి ఎలక్ట్రానిక్స్ సిటీకి మెట్రోలో వెళ్లనున్నారు. మధ్యాహ్నం 12:50 గంటలకు ఎలక్ట్రానిక్స్ సిటీ మెట్రో స్టేషన్ నుంచి ఎలక్ట్రానిక్స్ సిటీ ఫేజ్ 1లోని ఇంటర్నేషనల్ ఇన్స్టిట్యూట్ ఆఫ్ ఇన్ఫర్మేషన్ టెక్నాలజీ దగ్గర ఎల్లో లైన్ను ప్రారంభించిన తర్వాత నమ్మ మెట్రో మూడో దశకు శంకుస్థాపన చేయనున్నారు.
ఇది కూడా చదవండి: Trump vs Asia: భారత్పైనే ట్రంప్ కక్ష గట్టారా? ఆసియా దేశాల టారిఫ్లు చూస్తే..!
అనంతరం హెలికాప్టర్ ద్వారా విమానాశ్రయానికి చేరుకుని మధ్యాహ్నం 2:45 గంటలకు ఢిల్లీకి వెళ్లనున్నారు. ఈ కార్యక్రమానికి ప్రముఖులు హాజరవుతున్న నేపథ్యంలో ఆదివారం బెంగళూరులో ట్రాఫిక్ ఆంక్షలు విధించారు. ఈ మేరకు నగర ప్రజలకు పోలీసులు సూచనలు చేశారు.