PM Modi Navratri Wishes 2026: శారదీయ నవరాత్రి పర్వదినం సందర్భంగా ప్రధానమంత్రి నరేంద్ర మోడీతో పాటు పలువురు ప్రముఖ నాయకులు దేశ ప్రజలకు శుభాకాంక్షలు తెలిపారు. నవరాత్రి తొలి రోజైన ఆదివారం అమ్మవారి ఆశీస్సులతో ప్రతి ఒక్కరి జీవితాల్లో సుఖశాంతులు, సిరిసంపదలు, ఆరోగ్యం వెల్లివిరియాలని ప్రధాని మోడీ ఆకాంక్షించారు. దేశ ప్రజలపై అమ్మవారి ఆశీస్సులు ఎల్లప్పుడూ ఉండాలని ప్రార్థించారు. నవరాత్రి ప్రారంభాన్ని పురస్కరించుకుని ప్రధాని మోడీ సోషల్ మీడియా వేదిక ‘ఎక్స్‌’లో ప్రత్యేక సందేశాన్ని పంచుకున్నారు. శక్తి ఆరాధనకు అంకితమైన నవరాత్రి మహోత్సవం సందర్భంగా దేశ ప్రజలందరికీ హృదయపూర్వక శుభాకాంక్షలు తెలిపారు.
మాతా జగదాంబ కృపతో ప్రజల జీవితాల్లో సుఖం, శాంతి, సమృద్ధి, ఆరోగ్యం నిండాలని ఆకాంక్షించారు. ఈ ఆశీస్సులు దేశ ఐక్యతను, అభివృద్ధి సంకల్పాన్ని మరింత బలోపేతం చేయాలని పేర్కొన్నారు. మరో పోస్టులో నవరాత్రి తొలి రోజు పూజలందుకునే మా శైలపుత్రి దేవి పాదాలకు నమస్కరించారు. అమ్మవారి దివ్య అనుగ్రహంతో ప్రతి ఒక్కరిలో సహనం, ఆత్మవిశ్వాసం పెంపొందాలని ఆకాంక్షించారు. దేశ ప్రజలందరిపై అమ్మవారి ఆశీస్సులు నిరంతరం ఉండాలని ప్రార్థించారు.
ప్రకృతి పట్ల గౌరవం, దృఢ సంకల్పానికి ప్రేరణ: రాజ్‌నాథ్ సింగ్
కేంద్ర రక్షణ శాఖ మంత్రి రాజ్‌నాథ్ సింగ్ కూడా శారదీయ నవరాత్రి శుభాకాంక్షలు తెలిపారు. నవరాత్రి తొలి రోజున మా శైలపుత్రి దేవికి కోట్లాది నమస్కారాలు అర్పించారు. అమ్మవారి దివ్య స్వరూపం ప్రకృతి పట్ల గౌరవాన్ని కలిగి ఉండటంతో పాటు జీవితంలో దృఢంగా నిలబడటానికి, ఎలాంటి పరిస్థితులు ఎదురైనా ధైర్యంగా ముందుకు సాగడానికి ప్రేరణనిస్తుందని పేర్కొన్నారు. అమ్మవారి కృపతో ప్రజల జీవితాల్లో సుఖం, శాంతి, సమృద్ధి కలగాలని ఆకాంక్షించారు.
నవరాత్రుల్లో మా శైలపుత్రి ఆరాధనకు ప్రత్యేక ప్రాధాన్యం
నవరాత్రి పండుగలో మొదటి రోజున దుర్గాదేవి తొలి రూపమైన మా శైలపుత్రిని పూజిస్తారు. భక్తులు ఈ రోజున అమ్మవారిని ఆరాధిస్తూ ధైర్యం, స్థిరత్వం, ఆత్మవిశ్వాసం, శ్రేయస్సు కోసం ప్రార్థిస్తారు. దేశవ్యాప్తంగా నవరాత్రి ఉత్సవాలు భక్తిశ్రద్ధలతో ప్రారంభమయ్యే వేళ, ప్రధాని మోడీతో పాటు పలువురు కేంద్ర మంత్రులు, ప్రజాప్రతినిధులు ప్రజలకు శుభాకాంక్షలు తెలియజేశారు.
शक्ति-साधना के महापर्व नवरात्रि की सभी देशवासियों को कोटि-कोटि शुभकामनाएं।
मां जगदंबा की कृपा से सबके जीवन में सुख, शांति, समृद्धि और आरोग्य का वास हो, जो राष्ट्र की एकता एवं प्रगति के संकल्प को और सशक्त करे। https://t.co/EMCysLIqcs
— Narendra Modi (@narendramodi) October 11, 2026