Mamata Banerjee: రాజకీయ అహంకారానికి పేదలే మూల్యం చెల్లిస్తున్నారు.. బెంగాల్‌లో బుల్డోజర్ చర్యలపై మమతా ఫైర్

రాష్ట్రంలోని కొన్ని ప్రాంతాల్లో ఇటీవల జరిగిన తొలగింపులు, ఆక్రమణల వ్యతిరేక చర్యలను టీఎంసీ అధినేత్రి, పశ్చిమ బెంగాల్ మాజీ ముఖ్యమంత్రి మమతా బెనర్జీ ఆదివారం బుల్డోజర్ రాజకీయాలుగా అభివర్ణించారు. రాజకీయ అహంకారానికి పేద ప్రజలు మూల్యం చెల్లిస్తున్నారని ఆమె పేర్కొన్నారు. తృణమూల్ కాంగ్రెస్ అధినేత్రి మమతా బెనర్జీ ‘ఎక్స్’ సోషల్ మీడియా ప్లాట్‌ఫామ్‌లో ఇలా పోస్ట్ చేశారు, “కుటుంబాల నుండి వీధి వ్యాపారుల వరకు, పేదలు రాజకీయ అహంకారానికి మూల్యం చెల్లిస్తున్నారు. బెంగాల్‌లో బుల్డోజర్ రాజకీయాలు పనిచేయవు. ఠాగూర్, నేతాజీల గడ్డను.. భయం, బలప్రయోగం, సామాన్య పౌరులపై అణచివేత ధోరణితో పాలించలేరు అంటూ ఫైర్ అయ్యింది.

పశ్చిమ బెంగాల్ మాజీ ముఖ్యమంత్రి మాట్లాడుతూ.. “ఈ రోజు మనం చూస్తున్నది బెంగాల్ ప్రజల గౌరవంపై జరుగుతున్న దాడి. రోజువారీ కూలీలు, వీధి వ్యాపారులు, చిన్న దుకాణదారులు, ఒక్కొక్క ఇటుకను పేర్చి తమ జీవితాలను నిర్మించుకున్న కష్టాల్లో ఉన్న కుటుంబాల గౌరవంపై దాడి. హౌరా స్టేషన్ పరిసరాల్లో జరుగుతున్న భారీ తొలగింపు చర్యలు, టిల్జాలా, పార్క్ సర్కస్ వీధుల్లో రాజుకుంటున్న అసంతృప్తి, ఆగ్రహం, అకస్మాత్తుగా తమ ఇళ్లను, ఉద్యోగాలను కోల్పోయిన ప్రజలలో పెరుగుతున్న నిస్సహాయత – ఇవన్నీ మానవత్వం కంటే ఆర్భాటాలకే ఎక్కువ ప్రాధాన్యతనిచ్చే ప్రభుత్వపు నిజ స్వరూపాన్ని బట్టబయలు చేస్తున్నాయి” అని అన్నారు.

ముందు నాశనం చేసి, ఆ తర్వాత ప్రజల మాట వినే ప్రభుత్వం బెంగాల్ సారాన్ని మరచిపోయినట్లే. ఏ రాష్ట్రమైనా నిజమైన పురోగతిని, అది తన అత్యంత బలహీన పౌరులను ఎంత త్వరగా నిర్మూలించగలదనే దానితో కాకుండా, వారిని ఎలా చూసుకుంటుందనే దానితో కొలుస్తారు. సంస్కృతి, కరుణ, అణచివేతకు వ్యతిరేకంగా జరిగిన పోరాటంపై నిర్మించబడిన ఈ రాష్ట్రంలో బుల్డోజర్లు ఎప్పటికీ పరిపాలన భాష కాలేవు అని ఘాటు వ్యాఖ్యలు చేశారు.

పశ్చిమ బెంగాల్‌లోని హౌరా రైల్వే స్టేషన్ వెలుపల, గంగా ఘాట్ నుండి స్టేషన్ ప్రాంగణం వరకు నిర్మించిన తాత్కాలిక దుకాణాలు, అక్రమ నిర్మాణాలను బుల్డోజర్లతో కూల్చివేశారని గమనించాలి. ఈ ఆక్రమణల తొలగింపు డ్రైవ్‌ను శనివారం రాత్రి చేపట్టారు. రైల్వే ప్రొటెక్షన్ ఫోర్స్ (RPF), ప్రభుత్వ రైల్వే పోలీసులు (GRP), రైల్వే అధికారులు, హౌరా నగర పోలీసులు సంయుక్తంగా ఈ ఆపరేషన్‌ను నిర్వహించారు.

From homes to hawker stalls, the poor are paying the price of political arrogance. Bengal does not believe in bulldozer politics. The land of Tagore and Netaji cannot be ruled through fear, force, and demolition drives against ordinary citizens.

What we are witnessing today is…

— Mamata Banerjee (@MamataOfficial) May 17, 2026