Maha kumbh mela: ప్రపంచంలోనే అతిపెద్ద మానవ సమావేశం, హిందువుల ఆధ్యాత్మిక కార్యక్రమం ‘‘మహా కుంభమేళ’’ అట్టహాసంగా ప్రారంభమైంది. ప్రయాగ్రాజ్లో గంగా, యమునా, సరస్వతి నదులు త్రివేణి సంగమం వద్ద జరిగే ఈ కార్యక్రమానికి ఉత్తర్ ప్రదేశ్ సర్కార్ అన్ని ఏర్పాట్లను పూర్తి చేసింది. జనవరి 13 నుంచి ఫిబ్రవరి 26 వరకు జరిగే కుంభమేళకి ఏకంగా 40 కోట్ల మంది భక్తులు హాజరవుతారని అంచనా. 2025 మహాకుంభ మేళా అధికారికంగా ప్రారంభమైంది. మొదటి రోజే, 5 మిలియన్లకు పైగా భక్తులు పవిత్ర స్నానాలు ఆచరించడానికి ప్రయాగ్రాజ్ చేరుకున్నారు. మనదేశం నుంచే కాకుండా బ్రెజిల్, జర్మనీ, జపాన్, ఇంగ్లాండ్, అమెరికా, స్పెయిన్ వంటి దేశాల నుంచి చాలా మంది భక్తులు వస్తున్నారు.
Read Also: Arvind Kejriwal: కాంగ్రెస్- బీజేపీ మధ్య ఉన్న సత్సంబంధాలు బయటపడుతున్నాయి..
ప్రపంచవ్యాప్తంగా ‘మహా కుంభమేళ’ గురించి ఇంటర్నెట్లో సెర్చ్ చేస్తున్నారు. ఈ కార్యక్రమం గురించి తెలుసుకునేందుకు ఉత్సాహం చూపిస్తున్నారు. ముఖ్యంగా ఇస్లామిక్ దేశాలల్లో కూడా కుంభమేళ ట్రెండింగ్ టాపిక్గా మారింది. ఈ జాబితాలో మొదటి స్థానంలో మన దాయాది పాకిస్తాన్ ఉంది. పాకిస్తాన్ తర్వాత ఖతార్, యూఏఈ, బహ్రైయిన్ దేశాల్లోని ప్రజలు కుంభమేళ గురించి సెర్చ్ చేవారు. ఈ దేశాలే కాకుండా నేపాల్, సింగపూర్, ఆస్ట్రేలియా, కెనడా, ఐర్లాండ్, బ్రిటన్, థాయిలాండ్, అమెరికాలో కూడా ప్రజలు మహాకుంభ్ గురించి చదువుతున్నారు, సెర్చ్ చేస్తున్నారు.
