Madya Pradesh Bus Accident: మధ్యప్రదేశ్ రాష్ట్రంలో ఘోర రోడ్డు ప్రమాదం జరిగింది. వేగం వెళ్తున్న బస్సు, లారీ ట్రైలర్ ను ఢీకొట్టింది. ఈ ఘటన శుక్రవారం రాత్రి జరిగింది. ఈ ప్రమాదంలో మొత్తం 14 మంది అక్కడిక్కడే చనిపోగా.. మరొకరు చికిత్స పొందుతూ మరణించారు. మొత్తంగా 15 మంది చనిపోగా.. 20 మందికి పైగా గాయపడ్డారు. తెలంగాణ హైదరాబాద్ నుంచి బస్సు ఉత్తర్ ప్రదేశ్ గోరఖ్‌పూర్‌కు వెళ్తోంది. మధ్యప్రదేశ్, ఉత్తర్ ప్రదేశ్ రాష్ట్ర సరిహద్దుల్లో రేవా సమీపంలోని సుహాగీ హిల్స్ వద్ద ఈ ప్రమాదం జరిగింది. మృతులు అంతా యూపీ వాసులే. ప్రయాణ సమయంలో బస్సులో మొత్తం 100 మంది వరకు ఉన్నట్లు సమాచారం. గాయపడిన వారిలో చాలా మంది పరిస్థితి విషమంగా ఉన్నట్లు తెలుస్తోంది. మరణాల సంఖ్య మరింతగా పెరిగే అవకాశం ఉంది.
Read Also: Shruti Haasan: హాలీవుడ్ కు వెళ్తున్న శ్రుతి హాసన్
క్షతగాత్రులను రేవాలోని సంజయ్ గాంధీ ఆస్పత్రితో పాటు మరికొంత మందిని ఉత్తర్ ప్రదేశ్ లోని ప్రయాగ్ రాజ్ ఆస్పత్రికి తరలించారు. రోడ్డుపై వెళ్లే వారు ప్రమాదం గురించి పోలీసులకు సమాచారం అందించారు. ఘటన స్థలానికి చేరుకున్న పోలీసులు రక్షణ చర్యలు చేపట్టారు. క్షతగాత్రులను వెనువెంటనే స్థానికంగా ఉన్న ఆస్పత్రులకు తరలించారు. బస్సు నుజ్జునుజ్జు కావడంతో అందులో చిక్కుకుపోయిన వారిని రక్షించారు. దీపావళి వేడుకల్లో పాల్గొనేందుకు వీరంతా సొంత ఊళ్లకు బయలుదేరారని పోలీసులు తెలిపారు.
Madhya Pradesh | 14 dead, 40 injured in a collision between a bus and trolley near Suhagi Hills in Rewa. The bus was going from Hyderabad to Gorakhpur. All people on the bus are reportedly residents of Uttar Pradesh. pic.twitter.com/cwN2MUCB7O
— ANI MP/CG/Rajasthan (@ANI_MP_CG_RJ) October 22, 2022