Corbevax: భారత తయారీ కార్బెవాక్స్ కోవిడ్ వ్యాక్సిన్కి WHO అత్యవసర వినియోగ అనుమతి..
Corbevax: భారత తయారీ కోవిడ్ వ్యాక్సిన్ ‘కార్బెవాక్స్’ని ప్రపంచ ఆరోగ్య సంస్థ (WHO) అత్యవసర వినియోగ జాబితాలో చేర్చింది. కార్బెవాక్స్ టీకాను హైదరాబాద్కి చెందిన ప్రముఖ ఫార్మా కంపెనీ బయోలాజికల్ E లిమిటెడ్ తయారు చేసింది. దీనిపై బయోలాజికల్ E డైరెక్టర్ మహిమా దాట్ల మాట్లాడుతూ..WHO ఎమర్జెన్సీ యూజ్ లిస్టింగ్ (EUL) పట్ల మేము సంతోషంగా ఉన్నామని, ఈ నిర్ణయం కోవిడ్-19కి వ్యతిరేకంగా మా ప్రపంచ పోరాటాన్ని బలపరుస్తుందని అన్నారు.
Read Also: Military Strength Ranking: మిలిటరీ పవర్లో టాప్లో అమెరికా, లాస్ట్ భూటాన్.. ఇండియా ర్యాంక్ ఎంతంటే..?
డ్రగ్స్ కంట్రోలర్ జనరల్ ఆఫ్ ఇండియా (DCGI) ఇప్పటికే డిసెంబరు 2021 నుండి ఏప్రిల్ 2022 వరకు వరుస పద్ధతిలో పెద్దలు, కౌమారదశ, చిన్న పిల్లలలో అత్యవసర పరిస్థితుల్లో పరిమితం చేయబడిన ఉపయోగం కోసం ఈ వ్యాక్సిన్ని ఆమోదించింది. జూన్ 2022లో 18 ఏళ్లు మరియు అంతకంటే ఎక్కువ వయస్సు ఉన్న పెద్దల కోసం భారతదేశపు మొట్టమొదటి హెటెరోలాజస్ COVID-19 బూస్టర్ షాట్గా ఉపయోగించడానికి కార్బెవాక్స్ ఆమోదం పొందింది. 100 మిలియన్ డోసుల కార్బెవాక్స్ని కేంద్రానికి సరఫరా చేసిందని, వీటిని ఇండియా వ్యాప్తంగా ఇమ్యునైజేషన్ క్యాంపెయిన్లో ప్రధానింగా 12-14 ఏళ్ల లోపు పిల్లలకు వినియోగించినట్లు కంపెనీ చెప్పింది.