ఆవుల దొంగతనం కోసం విమానంలో…?

ఫ్లైట్ లో వచ్చి ఆవులను దొంగతనం చేస్తున్న హైటెక్ దొంగని పట్టుకున్నారు తమిళనాడు పోలీసులు. వెల్లూర్ జిల్లాలోని పెరణంపట్టు సమీపం లో గత కొంతకాలంగా ఆవులను దొంగిలిస్తున్నట్టు స్థానికులు పోలీసులకు ఫిర్యాదు చేసారు. ఈ క్రమంలో ప్రత్యేక నిఘా పెట్టిన పోలీసులకు హైటెక్ దొంగ దొరికాడు. హర్యానా కి చెందిన అకముదిన్ ,ఆంధ్ర – తమిళనాడు సరిహద్దుల్లో వాహనతనిఖీలలో అకముదిన్ వాహనాన్ని తనిఖీ చేసారు పోలీసులు. అకముదిన్ వాహనంలో ఉన్న ఆవులకు సంబంధించిన వివరాలను సరిగ్గా చెప్పకపోవడంతో పోలీసులకు అనుమానం రావడం తో అకముదిన్ ని అదుపులోకి తీసుకోని విచారించారు పోలీసులు. పోలిసుల విచారణ లో ఆవులను దొంగిలించి వాటిని వెల్లూర్ లో అమ్మి ఆ డబ్బులతో ఫ్లైట్ లో తన సొంత ఊరికి వెళ్లిపోతానని వెల్లడించాడు. ప్రతి నెల ఫ్లైట్ లో వచ్చి ఆవులను దొంగిలించి ఆ డబ్బులతో మళ్ళీ తన సొంత గ్రామానికి వెళ్ళిపోతున్న హైటెక్ దొంగ కి సంబంధించిన వార్త ఇప్పుడు రాష్ట్ర వ్యాప్తంగా హాట్ టాపిక్ గా మారింది .