Supreme Court: బిల్కిస్ బానో కేసులో సుప్రీంకోర్టులో గురువారం విచారణ జరిగింది. బిల్కిస్ బానో గ్యాంగ్ రేప్ కేసులో నిందితులైన 11 మంది ఖైదీలకు శిక్షాకాలం పూర్తి కాకుండానే క్షమాభిక్ష పేరుతో గుజరాత్ ప్రభుత్వం ముందస్తుగా విడుదల చేయడాన్ని సవాల్ చేస్తూ దాఖలైన పిటిషన్లపై గురువారం సుప్రీం కోర్టు విచారణ నిర్వహించింది. కేసు విచారణ సందర్భంగా సుప్రీంకోర్టు గుజరాత్ ప్రభుత్వాన్ని పలు ప్రశ్నలు వేసింది. బిల్కిస్ దోషులకే క్షమాభిక్ష ఎందుకు ఇవ్వాల్సి వచ్చిందని ప్రశ్నించింది. ఇలాంటి చర్య ప్రమాదకరమంటూ జడ్జీలు వ్యాఖ్యానించారు. ‘ఈ కేసులో ఖైదీలకు విధించిన మరణ శిక్షను జీవితఖైదుకు తగ్గించారు. అలాంటప్పుడు వారిని 14 ఏండ్లకే ఎలా విడుదల చేస్తారు? ప్రభుత్వ పాలసీ ప్రకారం వారికి కల్పించిన ఈ సౌకర్యం మిగిలిన వారికి ఎందుకు కల్పించరు?’ అంటూ జస్టిస్లు బీవీ నాగరత్న, ఉజ్జల్ భూయాన్ ప్రశ్నించారు. కొందరికి మాత్రమే అనుకూలంగా ఆచితూచి వ్యవహరించారు. మరి మిగిలిన వారి సంగతి ఏమిటి? వారికి ఎందుకు ఈ అవకాశం కల్పించ లేదు? అసలీ పాలసీ ఎంతకాలం నుంచి అమలు చేస్తున్నారు? అది అమలవుతుంటే జైళ్లు ఇలా ఎందుకు కిక్కిరిసి ఉన్నాయి’ అని న్యాయస్థానం ప్రశ్నించింది.
Read also: Tomato Price Drop: దిగొచ్చిన టమాటా ధర… కేవలం కిలో రూ.30కే
కరడుగట్టిన నేరస్థులకు కూడా తమను తాము సంస్కరించుకునేందుకు అవకాశం కల్పించాలని చట్టం చెబుతోందని గుజరాత్ ప్రభుత్వం తరఫున అదనపు సొలిసిటర్ జనరల్ ఎస్వి రాజు వాదనల సందర్భంగా అత్యున్నత న్యాయస్థానం ఈ వ్యాఖ్యలు చేసింది. “వారు సంస్కరణకు అర్హులు. వ్యక్తి నేరం చేసి ఉండవచ్చు … నిర్దిష్ట క్షణంలో ఏదో తప్పు జరిగి ఉండవచ్చు. తరువాత, అతను పరిణామాలను గ్రహించగలడు. “ఇది ఎక్కువగా జైలులో, పెరోల్ లో విడుదలైనప్పుడు వారి ప్రవర్తనను బట్టి నిర్ణయించబడుతుంది. ఇవన్నీ వారు చేసిన తప్పును వారు గ్రహించినట్లు చూపుతున్నాయి. ప్రతి ఒక్కరినీ శాశ్వతంగా శిక్షించాలని చట్టం కాదు. సంస్కరణకు అవకాశం ఇవ్వాలి, ” అన్నాడు రాజు. వాదనలు విన్న న్యాయమూర్తులు బివి నాగరత్న, ఉజ్జల్ భుయాన్లతో కూడిన ధర్మాసనం స్పందిస్తూ, జైలులో ఉన్న ఇతర ఖైదీలకు ఈ చట్టం ఎంతవరకు వర్తిస్తుందో తెలుసుకోవాలని కోరింది. “మన జైళ్లు ఎందుకు కిక్కిరిసి ఉన్నాయి? ఉపశమన విధానాన్ని ఎంపిక చేసి ఎందుకు వర్తింపజేస్తున్నారు? “కొంతమంది ఖైదీలకు మాత్రమే కాకుండా ప్రతి ఖైదీకి సంస్కరించే మరియు తిరిగి సంఘటితం చేసే అవకాశం ఇవ్వాలి. అయితే దోషులు 14 సంవత్సరాలు నిండిన చోట రిమిషన్ విధానం ఎంత వరకు అమలు చేయబడుతోంది? అన్ని కేసులలో ఇది వర్తింపజేయబడుతుందా?” అని బెంచ్ రాజును ప్రశ్నించింది. బిల్కిస్ ఖైదీల విషయంలో ఏ ప్రాతిపదికన జైలు అడ్వైజరీ కమిటీ ఏర్పడింది? అని ప్రశ్నించిన న్యాయస్థానం దీనికి సంబంధించిన పూర్తి వివరాలను అందజేయాలని గుజరాత్ ప్రభుత్వాన్ని ఆదేశించింది. ఈ కేసు గోద్రా కోర్టులో విచారణ జరగనప్పుడు ఆ న్యాయస్థానం అభిప్రాయాన్ని ఎందుకు కోరారు? ఖైదీలను విడుదల చేయరాదంటూ సీబీఐ నివేదిక ఇచ్చింది కదా? అయినా ఎందుకు విడుదల చేశారు అని ధర్మాసనం ప్రశ్నించింది. గుజరాత్ ప్రభుత్వం తరఫున హాజరైన అదనపు సోలిసిటర్ జనరల్ ఎస్వీ రాజు మాట్లాడుతూ 1992లో తెచ్చిన పాలసీని అనుసరించి చట్టప్రకారమే ప్రభుత్వం విడుదల చేసిందని చెప్పారు. తదుపరి విచారణను 24కు వాయిదా వేసింది.
