Electric Vehicle Accidents in India: ఎలక్ట్రిక్ వెహికల్స్‌లో మంటలు.. మూడేళ్లలో 23,865 ప్రమాదాలు..

Electric Vehicle Accidents in India: దేశంలో ఎలక్ట్రిక్ వాహనాల (EV) వినియోగం వేగంగా పెరుగుతున్న నేపథ్యంలో, వాటి భద్రతపై చర్చ మళ్లీ మొదలైంది. కేంద్ర ప్రభుత్వ డేటా ప్రకారం గత మూడు సంవత్సరాల్లో దేశవ్యాప్తంగా EVలకు సంబంధించిన 23,865 రోడ్డు ప్రమాదాలు నమోదయ్యాయి. వీటిలో 26 అగ్నిప్రమాదాలు చోటుచేసుకున్నాయి. రోడ్డుపై నడుస్తున్న విద్యుత్ కారు. ఇంజిన్ శబ్దం లేదు, పొగ వాసన లేదు. అంతా పూర్తిగా ప్రశాంతంగా అనిపిస్తుంది. కానీ ఈ నిశ్శబ్దం వెనుక, మిమ్మల్ని అశాంతి కలిగించే కథ జరుగుతోంది. గత 3 సంవత్సరాలలో, విద్యుత్ వాహనాలకు సంబంధించిన వేలాది ప్రమాదాలు జరిగాయని ప్రభుత్వ రికార్డులు చూపిస్తున్నాయి. ఎక్కడో అకస్మాత్తుగా ఢీకొనడం, ఎక్కడో పొగ తర్వాత మంటలు, మరియు ఎక్కడో చాలా ప్రశ్నలు. విద్యుత్ వాహనం ఎంత పొదుపుగా ఉంటుందనేది ప్రశ్న కాదు, భవిష్యత్తు కలలను చూపించే వాహనం నేటి రోడ్లపై చెప్పినట్లుగా సురక్షితంగా ఉందా అనేది ప్రశ్న.

ప్రభుత్వ డేటా ఏమి చెబుతోంది అంటే..?
ఈ వివరాలను కేంద్ర భారీ పరిశ్రమల శాఖ సహాయ మంత్రి భూపతిరాజు శ్రీనివాస్ వర్మ లోక్‌సభలో లిఖితపూర్వక సమాధానంగా ఇచ్చారు.. డేటా ప్రకారం.. Ministry of Road Transport and Highways నిర్వహించే e-Detailed Accident Report (e-DAR) పోర్టల్. 2022 నవంబర్ 14 నుంచి EVలకు సంబంధించిన ప్రత్యేక సమాచారం నమోదు చేస్తున్నారు.

సంవత్సరం వారీ గణాంకాలు పరిశీలిస్తే.. 2023లో  5,594 ఈవీలు ప్రమాదానికి గురికాగా.. అందులో 8 వాహనాల్లో మంటలు చెలరేగాయి.. 2024లో 7,817 వాహనాలు ప్రమదాలకు గురికాగా.. అందులో 9 వాహనాలు అగ్నిప్రమాదంలో చిక్కుకున్నాయి.. ఇక, 2025లో 10,454 వాహనాలు ప్రమాదానికి గురికాగా.. 9 వాహనాల్లో అగ్నికి ఆహుతియ్యాయి.. ఇలా మొత్తంగా మూడేళ్లలో 23,865 ఈవీలు ప్రమాదాలకు గురికాగా.. 26 వాహనాలు దగ్ధం అయ్యాయి..

దర్యాప్తు బృందం ఏర్పాటు
ఈ ఘటనలపై లోతైన విశ్లేషణ కోసం ప్రభుత్వం నిపుణుల కమిటీని ఏర్పాటు చేసింది. ఇందులో DRDO, Indian Institute of Science, Naval Science and Technological Laboratory వంటి సంస్థల నిపుణులు భాగస్వాములయ్యారు. నిపుణుల సిఫార్సుల మేరకు 2022 సెప్టెంబర్ 28న కొత్త సాంకేతిక నిబంధనలు జారీ చేశారు. డిసెంబర్ 1, 2022 నుంచి ట్రాక్షన్ బ్యాటరీలపై కఠిన భద్రతా ప్రమాణాలు అమల్లోకి వచ్చాయి. డిసెంబర్ 19, 2022న మరో నోటిఫికేషన్ ద్వారా అన్ని రకాల ఎలక్ట్రిక్ వాహనాల తయారీలో ఉత్పత్తి ప్రమాణాలు తప్పనిసరి చేశారు.

నిషేధం లేదు.. భద్రత బలోపేతమే లక్ష్యం
ఎలక్ట్రిక్ వాహనాల తయారీ లేదా వినియోగాన్ని నిషేధించే ఆలోచన లేదని ప్రభుత్వం స్పష్టం చేసింది. కాలుష్యాన్ని తగ్గించడం, పెట్రోల్–డీజిల్‌పై ఆధారపడటాన్ని తగ్గించడం, మరియు EV భద్రతను మెరుగుపరచడం ప్రధాన లక్ష్యమని తెలిపింది. మొత్తంగా భారతదేశంలో ఎలక్ట్రిక్ వాహనాల తయారీ లేదా వాడకాన్ని నిషేధించే ప్రతిపాదన లేదని ప్రభుత్వం స్పష్టం చేసింది. భద్రతా నిబంధనలను బలోపేతం చేయడం మరియు తనిఖీ విధానాలను కఠినతరం చేయడంపై ప్రభుత్వం దృష్టి సారించింది. ఎలక్ట్రిక్ వాహనాలను సురక్షితంగా మార్చడం, కాలుష్యాన్ని తగ్గించడం మరియు దేశం పెట్రోల్ మరియు డీజిల్‌పై ఆధారపడటాన్ని తగ్గించడం దీని లక్ష్యం.