BJP MLA: అసెంబ్లీలో పోర్న్ వీడియోలు చూస్తూ అడ్డంగా దొరికిన బీజేపీ ఎమ్మెల్యే

BJP MLA: అసెంబ్లీ అంటే.. ప్రజల సమస్యలను పరిష్కరించడానికి ఏర్పాటు చేసిన వేదిక. ఎమ్మెల్యేలు, మంత్రులు..దేశ అభివృద్ధి కోసం ఎలా పాటుపడాలో చర్చించుకొనే వేదిక. కానీ.. ఇప్పుడు ఉన్న రాజకీయ నాయకులు.. అసెంబ్లీ అర్థాన్నే మార్చేశారు. కొట్టుకోవడానికి, చైర్లు విసురుకోవడానికి, అసభ్యకరమైన పదజాలంతో తిట్టుకోవడం చేస్తూ ఉంటారు. ఇక తాజాగా ఒక ఎమ్మెల్యే అయితే.. ఏకంగా అసెంబ్లీలోనే పోర్న్ వీడియోలు చూస్తూ అడ్డంగా దొరికిపోయాడు. ప్రజలకు ఆదర్శంగా నిలవాల్సిన రాజకీయ నేతలు.. ఇలా పనికిమాలిన పనులు చేస్తూ పదవికి ఉన్న పరువును తీస్తున్నారు. ఇక ఆ ఎమ్మెల్యే ఎవరో కాదు.. బీజేపీకి చెందిన నేత జదబ్ లాల్ నాథ్.

త్రిపుర రాష్ట్రంలోని బగ్బాసా నియోజకవర్గానికి ఆయన ఎమ్మెల్యే. ప్రస్తుతం త్రిపుర అసెంబ్లీ సమావేశాలు జరుగుతున్న విషయం తెల్సిందే. ఆ సమావేశాల్లో పాల్గొన్న జదబ్ లాల్ నాథ్ ఇదుగో ఇలా పోర్న్ వీడియోలు చూస్తూ అడ్డంగా దొరికిపోయాడు. చుట్టుపక్కల వారు చూస్తారన్న భయం కానీ, వయస్సు, ప్లేస్ లాంటివి ఏమిచూసుకోకుండా అసెంబ్లీలో పోర్న్ వీడియోలు చూస్తూకనిపించాడు. ప్రస్తుతం ఈయన పోర్న్ వీడియోలు చూస్తూ దొరికిపోయిన వీడియో నెట్టింట వైరల్ గా మారింది. ఇక ఈ వీడియోపై నెటిజన్లు తమదైన రీతిలో స్పందిస్తున్నారు. ఇలాంటి నాయకులకా.. ఓటు వేసి గెలిపిస్తున్నామని కొందరు.. బీజేపీ ఎమ్మెల్యే చేసింది సిగ్గుచేటు పని ఇంకొందరు ఏకిపారేస్తున్నారు. అంత ఇంట్రెస్ట్ ఉంటే పదవికి రాజీనామా చేసి ఇంట్లో కూర్చొని అవే వీడియోలు చూసుకో అని ఇంకొందరు ఘాటుగా కామెంట్స్ పెడుతున్నారు. మరి ఈ ఘటనపై సదురు ఎమ్మెల్యే ఎలా స్పందిస్తాడు.. అతడిపై పార్టీ ఎలాంటి చర్యలు తీసుకుంటుంది అనేది తెలియాల్సి ఉంది.