Anand Mahindra: “12th ఫెయిల్” ఐపీఎస్ జంట ఆటోగ్రాఫ్ తీసుకున్న ఆనంద్ మహీంద్రా..

Anand Mahindra: ‘12th ఫెయిల్’ సంచలనం సృష్టించిన సంగతి తెలిసిందే. ఐపీఎస్ మనోజ్ కుమార్ శర్మ నిజజీవితం ఆధారంగా డైరెక్టర్ విధు వినోద్ చోప్రా ఈ సినిమాను తెరకెక్కించారు. యూపీఎస్‌సీ క్లియర్ చేయడానికి, ఐపీఎస్ కావడానికి ఓ సాధారణ పేద కుటుంబం నుంచి వచ్చిన, 12వ తరగతి ఫెయిల్ అయిన వ్యక్తి ఎలాంటి కష్టాలను ఎదుర్కొన్నారనే ఇతివృత్తం ఆధారంగా ఈ సినిమా తెరకెక్కింది. సినిమాలో మనోజ్ కుమార్ శర్మ పాత్ర పోషించిన విక్రాంత్ మాస్సే నటనకు విమర్శకుల నుంచి ప్రశంసలు దక్కాయి.

Read Also: Delhi: తప్పిపోయిన కొడుకు 22 ఏళ్లకు తిరిగొచ్చాడు.. ఆ తర్వాత ఏం షాకిచ్చాడంటే..!

ఇదిలా ఉంటే, మహీంద్రా గ్రూప్ చైర్మన్ ఆనంద్ మహీంద్రా ఇటీవల ఈ సినిమాను చూసి మెచ్చుకున్నారు. తాజాగా ఈ రోజు ఆయన రియల్ 12th ఫెయిల్ జంట ఐపీఎస్ అధికారి మనోజ్ కుమార్ శర్మ, ఆయన భార్య శ్రద్ధా జోషిని కలిశారు. వారి నుంచి ఆటోగ్రాఫ్ తీసుకున్నారు. ఈ విషయాన్ని ఆనంద్ మహీంద్రా ఎక్స్(ట్విట్టర్) ద్వారా వెల్లడించారు. ‘‘ వారు నిజమైన నిజ జీవిత హీరోలు. ఈ రోజు లంచ్ సమయంలో వారిని కలిసి ఆటోగ్రాఫ్ తీసుకున్నాను. భారత్ ప్రపంచ శక్తిగా మారాలంటే ఎక్కువ మంది ప్రజలు వారి జీవన విధానాన్ని అవలంభిస్తే అది మరింత వేగమవుతుంది. వారిని కలిసినందుకు చాలా సంతోషిస్తున్నాను’’ అని ఆయన ఎక్స్‌లో రాశారు.

They were shy when I requested them for their autographs, which I am proudly holding.

But they are the true real-life heroes Manoj Kumar Sharma, IPS and his wife Shraddha Joshi, IRS. The extraordinary couple on whose lives the movie #12thFail is based.

Over lunch today, I… pic.twitter.com/VJ6xPmcimB

— anand mahindra (@anandmahindra) February 7, 2024