ToxicTheMovie : వాయిదాల పర్వం ముగిసింది.. టాక్సిక్ రిలీజ్ డేట్ వచ్చింది

కన్నడ రాకింగ్ స్టార్ యష్ అభిమానులు ఎప్పుడెప్పుడా అని ఎదురుచూస్తున్న ‘టాక్సిక్’ మూవీ విడుదల తేదీపై ఎట్టకేలకు ఒక క్లారిటీ వచ్చింది. ‘కేజీఎఫ్’ సిరీస్ తర్వాత యష్ నటిస్తున్న చిత్రం కావడంతో ఈ ప్రాజెక్ట్‌పై ఇండియన్ సినిమా ఇండస్ట్రీలో భారీ అంచనాలు నెలకొన్నాయి. అయితే గత కొంతకాలంగా ఈ సినిమా షూటింగ్ అప్‌డేట్స్, విడుదల తేదీ విషయంలో ఎలాంటి అప్డేట్ లేదు. దాంతో అసలు ఈ సినిమా వస్తుందా రాదా అనే  రూమర్స్ కూడా వచ్చాయి. మొత్తానికి రూమర్స్ కు చెక్ పెడుతూ మేకర్స్ ఈ క్రేజీ ప్రాజెక్ట్ కొత్త రిలీజ్ డేట్‌ను అధికారికంగా ప్రకటించి ఫ్యాన్స్‌కు బిగ్ సర్ప్రైజ్ ఇచ్చారు.

కన్నడ బిగ్గెస్ట్ యాక్షన్ ఎంటర్‌టైనర్‌గా తెరకెక్కిన టాక్సిక్ సినిమాను ఈ ఏడాది ఆగస్టు 26వ తేదీన ప్రపంచవ్యాప్తంగా థియేటర్లలోకి తీసుకురాబోతున్నట్లు చిత్ర యూనిట్ అధికారికంగా అనౌన్స్ చేసింది. పాన్ ఇండియా మార్కెట్‌ను టార్గెట్ చేస్తూ నేషనల్ అవార్డ్ విన్నింగ్ డైరెక్టర్ గీతూ మోహన్ దాస్ దర్శకత్వంలో ఈ సినిమా రూపొందించింది. యష్‌ను సరికొత్త రగ్గడ్ అండ్ స్టైలిష్ లుక్‌లో  చూపిస్తూ సినిమాపై అంచనాలను ఓ రేంజ్ కి తీసుకువెళ్లారు మేకర్స్. కన్నడ భారీ చిత్రాల నిర్మాణ సంస్థ కేవిఎన్ ప్రొడక్షన్స్  బ్యానర్‌పై భారీ బడ్జెట్‌తో ఈ చిత్రాన్ని నిర్మించింది. ఈ అధికారిక ప్రకటనతో అటు ట్రేడ్ వర్గాల్లో, ఇటు ప్రేక్షకుల్లో ‘టాక్సిక్’ హంగామా మళ్లీ మొదలైంది. అనేక వాయిదాలు, రీషూట్స్ అనంతరం రిలీజ్ అవుతున్న టాక్సిక్ ఎలాంటి సంచలనాలు నమోదు చేస్తుందో మరో రెండు నెలల్లో తేలనుంది.