The Paradise: నాని ‘ది ప్యారడైజ్’ రిలీజ్‌పై సస్పెన్స్.. అసలు ఏం జరుగుతోంది?

The Paradise: నేచురల్ స్టార్ నాని నుంచి వస్తున్న ‘ది ప్యారడైజ్’పై ప్రేక్షకుల్లో ఉన్న అంచనాలు రోజురోజుకూ పెరుగుతున్నాయి. ‘దసరా’ వంటి హిట్ తర్వాత శ్రీకాంత్ ఓదెలతో నాని మరోసారి కలిసి చేస్తున్న సినిమా కావడంతో ఈ ప్రాజెక్ట్‌పై మొదటి నుంచే భారీ క్రేజ్ ఏర్పడింది. నాని రఫ్ అండ్ ఇంటెన్స్ లుక్ ను తెరపై చూసేందుకు ఆడియన్స్ కూడా ఈగర్ గా ఎదురుచూస్తున్నారు. ఇలాంటి సమయంలో సెప్టెంబర్ 24న సినిమా థియేటర్లలోకి వస్తుందా లేదా అనే చర్చ ఒక్కసారిగా మొదలైంది. సినిమా వాయిదా పడే అవకాశాలు ఉన్నాయంటూ వార్తలు రావడంతో అభిమానుల్లో కూడా కొంత గందరగోళం నెలకొంది.

‘ది ప్యారడైజ్’ను సెప్టెంబర్ 24న ప్రపంచవ్యాప్తంగా విడుదల చేయనున్నట్లు మేకర్స్ ఇప్పటికే ఆఫీషియల్ గా ప్రకటించారు. అయితే రిలీజ్ డేట్ దగ్గరపడుతున్న సమయంలో సినిమా పనులు ఇంకా పూర్తికాలేదన్న వార్తలు బయటకు వచ్చాయి. ముఖ్యంగా ఒక పాట షూటింగ్ ఇంకా మిగిలి ఉందని, దాంతో పాటు విజువల్ ఎఫెక్ట్స్, సౌండ్ డిజైన్, బ్యాక్‌గ్రౌండ్ స్కోర్ వంటి పోస్ట్ ప్రొడక్షన్ పనులు వేగంగా జరుగుతున్నాయని సమాచారం. దీంతో ఇంత తక్కువ సమయంలో సినిమా మొత్తం సిద్ధమవుతుందా అనే అనుమానాలు మొదలయ్యాయి. ఈ నేపథ్యంలో ప్రస్తుతం అమెరికాలో ఉన్న నాని ఇండియాకి తిరిగి వచ్చి, రిలీజ్ డేట్ ను కొనసాగించాలా, మరికొంత సమయం తీసుకోవాలా అనే విషయంలో కీలక నిర్ణయం తీసుకునే అవకాశం ఉందని తెలుస్తోంది.

అయితే ఈ వార్తల మధ్య చిత్ర యూనిట్ క్లారిటీ కూడా ఇస్తోంది. ‘ది ప్యారడైజ్’ విషయంలో వాయిదా ఉండబోదని, సెప్టెంబర్ 24న సినిమా రిలీజ్ కు సిద్ధమవుతోందని టీమ్ స్పష్టం చేసినట్లు సమాచారం. ఇక ఈ మూవీ షూటింగ్ దాదాపు పూర్తయిందని, ఒక పాట మాత్రమే ఇంకా మిగిలి ఉందని తెలుస్తోంది. ఎడిటింగ్ కూడా పూర్తయిందని, ప్రస్తుతం విజువల్ ఎఫెక్ట్స్, సౌండ్ డిజైన్, ఇతర సాంకేతిక పనులు వేగంగా జరుగుతున్నాయని సమాచారం. సంగీత దర్శకుడు అనిరుధ్ రవిచందర్ కూడా బ్యాక్‌గ్రౌండ్ స్కోర్ పనులపై దృష్టి పెట్టినట్లు వార్తలు వచ్చాయి.

ఇదే సమయంలో మరోసారి రిలీజ్ డేట్ మార్చడం మాత్రం సినిమాకు అంత సులభమైన విషయం కాదు. ‘ది ప్యారడైజ్’ ఇప్పటికే రెండు సార్లు వాయిదా పడింది. మొదట 2026 మార్చి 26న ఈ సినిమాను రిలీజ్ చేయాలని నిర్ణయించారు. ఆ తర్వాత ఆ తేదీని ఆగస్టు 21కి మార్చారు. షూటింగ్ ఆలస్యం కావడంతో ఆగస్టు రిలీజ్ కూడా సాధ్యం కాలేదు. చివరికి సెప్టెంబర్ 24ను కొత్త తేదీగా లాక్ చేశారు. అందుకే ఇప్పుడు మూడోసారి వాయిదా పడితే సినిమా ప్రమోషన్లు, డిస్ట్రిబ్యూషన్ ప్లాన్లు, థియేటర్ బుకింగ్స్ విషయంలో మరింత ఒత్తిడి పెరిగే అవకాశం ఉంటుంది.

ఇక సినిమాపై ఉన్న బజ్ కు నాని, శ్రీకాంత్ ఓదెల కాంబినేషన్ గా చెప్పుకోవచ్చు. ‘దసరా’తో వీరిద్దరూ మంచి సక్సెస్ అందుకున్నారు. ఇప్పుడు ‘ది ప్యారడైజ్’లో నాని డిఫరెంట్ రఫ్ కట్ లో కనిపించనున్నారు. రాఘవ్ జుయల్, మోహన్ బాబు కీలక పాత్రల్లో కనిపించనుండగా, కాయదు లోహర్ హీరోయిన్‌గా నటిస్తున్నారు. అనిరుధ్ రవిచందర్ సంగీతం అందిస్తున్నారు. ఇటీవల విడుదలైన యేషనగుల పాట కూడా సినిమాకు మరింత బజ్ తీసుకొచ్చింది. నాని, కీర్తి సురేష్ కలిసి కనిపించిన ఈ పాట తెలంగాణ జానపద శైలిలో ఉండటంతో సోషల్ మీడియాలో కూడా మంచి స్పందన వచ్చింది. షూటింగ్ తుది దశకు చేరుకోవడంతో పూర్తి స్థాయి ప్రమోషనల్ క్యాంపెయిన్‌ను మరింత వేగంగా ప్రారంభించేందుకు టీమ్ సిద్ధమవుతున్నట్లు తెలుస్తోంది.

ప్రస్తుతం అందుబాటులో ఉన్న సమాచారాన్ని బట్టి చూస్తే ‘ది ప్యారడైజ్’ వాయిదా పడుతుందనే వార్తలు వచ్చినప్పటికీ, సెప్టెంబర్ 24 రిలీజ్ డేట్‌పై ఇప్పటివరకు ఆఫీషియల్ గా ఎలాంటి ప్రకటన లేదు. పైగా మేకర్స్ కూడా అదే తేదీకి సినిమా తీసుకొచ్చేందుకు ప్రయత్నిస్తున్నట్లు క్లారిటీ ఇచ్చినట్లు సమాచారం. అయితే ఒక పాటతో పాటు కొన్ని పోస్ట్ ప్రొడక్షన్ పనులు పూర్తిచేయాల్సి ఉండటంతో రాబోయే రోజులు కీలకంగా మారాయి. నాని భారత్‌కు తిరిగి వచ్చిన తర్వాత టీమ్‌తో జరిగే చర్చలు కూడా ఈ విషయంలో కీలకం కావచ్చు. చివరికి సెప్టెంబర్ 24న ‘ది ప్యారడైజ్’ థియేటర్లలోకి వస్తుందా, లేక మరోసారి వాయిదా పడుతుందా అన్న దానిపై త్వరలోనే పూర్తి స్పష్టత వచ్చే అవకాశం ఉంది.