Crazy News: విజయ్ ‘బీస్ట్’లో విజయ్ సేతుపతి కుమారుడు

దక్షిణాది నటుల్లో విభిన్నమైన పాత్రలు పోషిస్తూ, వైవిధ్యమైన స్క్రిప్ట్‌లతో విస్తృతమైన ఫాలోయింగ్‌ సంపాదించుకున్నాడు విజయ్ సేతుపతి. తెలుగు స్ట్రెయిట్ సినిమాల్లో కూడా నటిస్తున్నాడు విజయ్ సేతుపతి. ఆయన పిల్లలు సైతం తండ్రి బాటలోనే అడుగులు వేస్తున్నారు. విజయ్ కుమారుడు సూర్య విజయ్ సేతుపతి నటించిన ‘నానుమ్ రౌడీ దాన్’లో చిన్నప్పటి సేతుపతిగా నటించాడు. ఆ తర్వాత తండ్రితో ‘సిందుబాద్’లో పైట్ కూడా చేశాడు. ఇక ఆయన కుమార్తె శ్రీజ సేతుపతి తండ్రితో కలసి వెబ్ మూవీ ‘ముగిజ్’లో నటించింది.

ఇదిలా ఉంటే సేతుపతి కుమారుడు సూర్య సేతుపతి ఇళయదళపతి విజయ్ రాబోయే చిత్రం ‘బీస్ట్’లో కీలక పాత్ర పోషిస్తున్నాడు. ఈ పాత్ర సినిమాలో కీలకమైనది కాబట్టి మేకర్స్ ఎంపిక చేశారట. గతేడాది ‘మాస్టర్‌’ చిత్రంలో విజయ్‌తో కలిసి సేతుపతి నటించారు. ఇప్పుడు అతని కొడుకు నటిస్తున్నాడు. నెల్సన్ దిలీప్‌కుమార్ దర్శకత్వం వహించిన బీస్ట్‌లో పూజా హెగ్డే కథానాయిక. ఏప్రిల్ 14న ఈ సినిమాను విడుదల చేయటానికి నిర్మాతలు ప్లాన్ చేస్తున్నారు.