VDxSHOURYUV : రౌడీ స్టార్ కోసం నేచురల్ స్టార్..విజయ్-నాని సందడి!
టాలీవుడ్ రౌడీ స్టార్ విజయ్ దేవరకొండ తన తదుపరి భారీ ప్రాజెక్ట్ను పట్టాలెక్కించారు. ‘హాయ్ నాన్న’ ఫేమ్ శౌర్యువ్ దర్శకత్వంలో తెరకెక్కనున్న #VDxSHOURYUV నేడు పూజా కార్యక్రమాలతో గ్రాండ్గా ప్రారంభమైంది. ఈ వేడుకకు నేచురల్ స్టార్ నాని ముఖ్య అతిథిగా విచ్చేసి క్లాప్ కొట్టడం విశేషం. అయితే సినిమా ప్రారంభానికి ముందే విడుదలైన “That’s A Roar” పోస్టర్ వీడియో సోషల్ మీడియాలో ప్రకంపనలు సృష్టిస్తోంది. “No crown, I still walk like a king” (కిరీటం లేకపోయినా.. రాజులాగే నడుస్తా) అనే పవర్ఫుల్ లైన్ విజయ్ మేనరిజానికి పర్ఫెక్ట్గా సెట్ అయ్యింది. ప్రేమ నుండి కోపానికి, కోపం నుండి శక్తికి మారే ప్రయాణాన్ని ఈ సాంగ్ అద్భుతంగా ఆవిష్కరించింది. ఈ సినిమాను ‘వైరా ఎంటర్టైన్మెంట్స్’ గ్లోబల్ ప్రాజెక్ట్గా తీర్చిదిద్దుతోంది. దీని కోసం అంతర్జాతీయ స్థాయిలో పేరున్న టెక్నీషియన్లను రంగంలోకి దించారు:
Also Read:Chiranjeevi: “గుండె ఎడమ వైపు కాదు.. కుడి వైపు! ‘చిరంజీవి’ మూవీ షాకింగ్ కాన్సెప్ట్!
అలెజాండ్రో మార్టినెజ్ సినిమాటోగ్రఫీ అందిస్తున్న ఈ సినిమాకి ఎరిక్ డర్స్ట్ విజువల్ ఎఫెక్ట్స్, సురేష్ సెల్వరాజన్ ప్రొడక్షన్ డిజైన్ అలానే హేషమ్ అబ్దుల్ వహాబ్ సంగీతం అందిస్తున్నారు. ఇటీవలే విడుదలైన ఫస్ట్ లుక్ పోస్టర్ సినిమాపై క్యూరియాసిటీని పెంచేసింది. విజయ్ తన చేతుల్లో కుక్కపిల్లలను పట్టుకుని ధైర్యంగా ముందుకు నడుస్తుంటే, వెనుక సాయుధ దళాలు అనుసరించడం చూస్తుంటే ఇదొక వినూత్నమైన ‘మైథలాజికల్-స్టైల్’ యాక్షన్ డ్రామా అనిపిస్తోంది. ‘కింగ్డమ్’ సినిమా మిశ్రమ ఫలితాన్ని ఇచ్చినప్పటికీ, ఈ కొత్త ప్రాజెక్ట్ విజయ్ దేవరకొండ కెరీర్లో ఒక గట్టి ‘కమ్బ్యాక్’ అయ్యేలా కనిపిస్తోంది. https://x.com/NTVJustIn/status/2046171991062016071?s=20