Vignesh Shivan: సినిమాలో విషయం ఉంటే.. ఎక్కడైనా.. ఏ భాషలోనైనా హిట్ అందుకుంటుంది. అందులో స్టార్ క్యాస్ట్ ఉండాల్సిన అవసరం లేదు.. స్టార్ డైరెక్టర్ తీయాల్సిన అవసరం లేదు. చిన్న చిన్న సినిమాలే ప్రస్తుతం ఇండస్ట్రీ హిట్లుగా మారుతున్నాయి. తాజాగా టాలీవుడ్ మొత్తాన్ని షేక్ చేసిన సినిమా బేబీ. వైష్ణవి చైతన్య, ఆనంద్ దేవరకొండ, విరాజ్ అశ్విన్ ప్రధాన పాత్రలుగా సాయి రాజేష్ దర్శకత్వం వహించిన ఈ సినిమా జూలై 14 న రిలీజ్ అయ్యి భారీ విజయాన్ని అందుకుంది. అబ్బాయిలను అమ్మాయిలు ఎలా మోసం చేస్తున్నారు అనే కథతో తెరకెక్కిన ఈ సినిమాకు కుర్రాళ్ళు ఫిదా అయిపోయారు. హీరోల ప్లేస్ ల్లో తమను తాము ఊహించేసుకొని తమ మాజీ ప్రియురాళ్లను తిట్టుకుంటున్నారు. ఇక ఈ సినిమా కేవలం అభిమానులనే కాదు సెలబ్రిటీలను సైతం ఫిదా చేస్తోంది. ఇప్పటికే టాలీవుడ్ ప్రముఖులు సినిమాను ప్రశంసిస్తూ చిత్ర బృందానికి కంగ్రాట్స్ చెప్పుకొస్తున్నారు. ఇక బేబీ రేంజ్.. రోజు రోజుకు పెరిగిపోతోంది. తెలుగే కాకుండా తమిళ్ లో కూడా తన సత్తా చూపిస్తోంది. తాజాగా బేబీ మూవీపై కోలీవుడ్ స్టార్ డైరెక్టర్ విగ్నేష్ శివన్ చేసిన కామెంట్స్ ప్రస్తుతం నెట్టింట వైరల్ గా మారింది.
Bhola Shankar Trailer: చిరు నట విశ్వరూపం..
స్టార్ డైరెక్టర్ విగ్నేష్ శివన్.. నయనతార వివాహం చేసుకొని .. ఇద్దరు పిల్లలతో ప్రస్తుతం కొత్త జీవితాన్నీ మొదలుపెట్టిన సంగతి తెల్సిందే. మంచి సినిమా ఏదైనా సరే భాషా బేధం లేకుండా విగ్నేష్ ప్రశంసిస్తూ ఉంటాడు. తాజాగా బేబీ సినిమా తనకు చాలా బాగా నచ్చిందని చెప్పుకొచ్చాడు. ” న్యూ బోల్డ్ టీమ్ నుంచి వచ్చిన ఈ న్యూ ఏజ్ సినిమా క్రేజీగా రికార్డులు బద్దలుకొడుతుంది.చిత్రబృందానికి కుడోస్. బోల్డ్ గా రాసి.. బ్రూటల్ గా చిత్రీకరించారు” అని చెప్పుకొచ్చాడు. ఇకపోతే విగ్నేష్ బేబీపై మనసు పడినట్లు ఈ కామెంట్స్ చూస్తుంటేనే తెలుస్తోంది. దీంతో బేబీ తమిళ్ లో రీమేక్ అయ్యే ఛాన్స్ లు ఎక్కువగా ఉన్నాయని అభిమానులు చెప్పుకొస్తున్నారు. మరి విగ్నేష్ అలాంటి పనిచేస్తాడా.. ? లేదా.. ? అనేది చూడాలి.
