Nandamuri Balakrishna: నందమూరి బాలకృష్ణ ఈ మధ్యనే వాణిజ్య ప్రకటనలు చేయడం మొదలుపెట్టాడు. ఒక పక్క సినిమాలు ఇంకోపక్క ప్రకటనలతో రెండు చేతులా సంపాదిస్తున్నాడు. ఇప్పటికే రెండు యాడ్స్ లో కనిపించి షేక్ చేసిన బాలయ్య తాజాగా మూడో యాడ్ లో కనిపించి మెప్పించాడు. అదే.. వేగా జ్యువెలర్స్ & వేగాశ్రీ గోల్డ్ అండ్ డైమండ్స్. కొన్నిరోజుల క్రితం వేగా జ్యువెలర్స్ & వేగాశ్రీ గోల్డ్ అండ్ డైమండ్స్ కు బ్రాండ్ అంబాసిడర్ గా బాలకృష్ణ సంతకం చేసిన విషయం తెల్సిందే. ఇక ఈ బ్రాండ్ కు సంబంధించిన యాడ్ షూట్ ను ఈ మధ్యనే ఫినిష్ చేసిన సంగతి విదితమే. ఇందులో బాలయ్య సరసన ప్రగ్యా జైస్వాల్ కనిపించింది. ఈ జంట అఖండ సినిమాతో ఎంత పాపులర్ అయ్యారో ప్రత్యేకంగా చెప్పాల్సిన అవసరం లేదు.
Jabardasth Venu: బలగం వివాదం.. దిల్ రాజుతో కాదు దమ్ముంటే నాతో మాట్లాడు
ఇకపోతే ఈ బ్రాండ్ కు సంబంధించిన యాడ్ ను మేకర్స్ రిలీజ్ చేశారు. నందమూరి బాలకృష్ణ- ప్రగ్యా నటన ఎంతో న్యాచురల్ గా ఉంది. ఇది యాడ్ లా కాకుండా ఒక తెలుగింటి పెళ్లిలా కనిపిస్తుందని అభిమానులు చెప్పుకొస్తున్నారు. ముఖ్యంగా బాలయ్య రాయల్ లుక్ అద్భుతంగా ఉందని, ప్రగ్యా మహాలక్ష్మిలా మెరిసిపోతోందని కామెంట్స్ చేస్తున్నారు. వేగా జ్యువెలర్స్ & వేగాశ్రీ గోల్డ్ అండ్ డైమండ్స్ కోసం రెండు వాణిజ్య ప్రకటనలను షూట్ చేసినట్లు తెలుస్తోంది. మొదటి యాడ్ లో బాలయ్యతో ప్రగ్యా కనిపించగా.. రెండోవ దాంట్లో కన్నడ హీరోయిన్ సంజనా ఆనంద్ కనిపించింది. ఇక ఈ బ్రాండ్ కొత్త షోరూమ్ ను ఈ నెల 8 న విజయవాడలో బాలయ్య- ప్రగ్యా కలిసి ఓపెన్ చేయనున్నారు. మరి ఇంకెందుకు ఆలస్యం ఈ యాడ్స్ పై మీరు కూడా ఓ లుక్కేయ్యండి.
