జనవరి 1న జనం ముందుకు వరుణ్ సందేశ్!

యువ కథానాయకుడు వరుణ్ సందేశ్ నటిస్తున్న తాజా చిత్రం ‘ఇందువదన’. గత చిత్రాలకు భిన్నంగా డిఫరెంట్ మేకోవర్ తో వరుణ్‌ సందేశ్ ఈ మూవీతో జనం ముందుకు రాబోతున్నాడు. మధ్యలో భార్యతో కలిసి బిగ్ బాస్ సీజన్ 3 లోనూ పాల్గొన్న వరుణ్‌ సందేశ్ ఆ తర్వాత ఆచితూచి సినిమాలు చేయడం మొదలు పెట్టాడు. కొన్ని చిత్రాలలో గెస్ట్ అప్పీయరెన్స్ ఇవ్వడానికి సైతం వెనుకాడని వరుణ్ సందేశ్ ‘ఇందువదన’లో మాత్రం హీరోగానే నటించాడు. ఇప్పటికే విడుదలైన టీజర్, సాంగ్స్ ‘ఇందువదన’ మూవీపై ఆసక్తిని పెంచేలా చేశాయి. ఈ సస్పెన్స్ రొమాంటిక్ థ్రిల్లర్ మూవీలో వరుణ్‌ సందేశ్ సరసన ఫర్నాజ్ శెట్టి హీరోయిన్ గా నటించింది.

ఎమ్మెస్సార్ దర్శకత్వంలో మాధవీ ఆదుర్తి నిర్మించిన ‘ఇందువదన’ చిత్రానికి శివ కాకాని సంగీతం అందించారు. ఈ మూవీని వచ్చే యేడాది తొలి రోజున అంటే జనవరి 1వ తేదీన వరల్డ్ వైడ్ విడుదల చేయబోతున్నట్టు నిర్మాత మాధవీ తెలిపారు. ఈ ఫీల్‌గుడ్‌ లవ్ స్టోరీతో వరుణ్‌ సందేశ్ రీ-ఎంట్రీ ఇస్తున్నారని, ఆయన పాత్ర కొత్త పంథాలో ఉంటుందని దర్శకుడు ఎమ్మెస్సార్ చెబుతున్నాడు. సెన్సార్ కార్యక్రమాలు సైతం పూర్తి చేసుకున్న ఈ చిత్రానికి ‘యు/ఎ’ సర్టిఫికెట్ లభించింది.